Home Cultura Competencia di Arte di Palabra ta celebra su di 10 edicion

Competencia di Arte di Palabra ta celebra su di 10 edicion

24
0
SHARE
- Advertisement -

E lo ta dia 3 di Maart pa 6or di atardi

ORANJESTAD  (AAN): Departamento di Cultura Aruba (DCA) ta trece dilanti informacion tocante Proyecto escolar Arte di Palabra 2018 cu ta un competencia di poesia y cuenta cortico pa alumnonan di scolnan segundario.

E competencia aki a cuminsa riba iniciativa di Comision di Papiamento na aña 1999. Na 2009 un Comision Organisado consisti di Departamento di Cultura Aruba (DCA), Grupo Corector di Papiamento y Fundacion Lanta Papiamento (FLP), a tuma e iniciativa pa organisa e prome Arte di Palabra (ADP) na Aruba.

E hobennan ganado di Aruba a participa na e competencia di ADP interinsular na Corsou cu a celebra e tempo ey 10 aña cu ta organisa esaki. E tabata un bon experiencia pa e dos hobennan, Zaylon Panthophlet, ganado di e storia cortico y Yakari Gabriel, ganado di e poesia original, cu a bay representa Aruba. Mirando e exito y e importancia cu e competencia aki tin pa e desaroyo expresivo di nos hobennan den nos idioma Papiamento, e Comision Organisado a sigui organisa e competencia di ADP.

For di aña 2010 ADP ta cay bou di DCA y ta ser sosteni pa FLP y Grupo Corector di Papiamento.

Aruba a cay diferente aña den premio durante di e competencia final di Arte Di Palabra ABC y tin hobennan cu a hasta sali ganado absoluto, p.e. Osvaldo Correa a Sali ganado tres aña sigui den categoria di Storia Cortico. Tambe Rafael Garcia y Tai-Kong Trimon a yega di bay cu e premio absoluto.

E aña aki ADP Aruba ta celebra su di 10 edicion, den cuadro di esaki lo duna reconocemento na personanan cu a incia e competencia na Aruba y tambe na e prome ganadonan di ADP 2009. E competencia final entre Aruba, Bonaire y Corsou lo tuma luga e aña aki na Aruba pa prome biaha riba.

 

Competencia di Arte di Palabra

Un competencia di       –   Poesia Original y Existente;

Storia Original y Existente cu

Competencia di Haiku pa publico general

E ta un competencia pa hobennan di scol secundario y avansa,

Klasnan 1-2-3-4-5-6. entre edad di 13 pa 21 aña, cu ta bayendo scol ainda.

Lo tin diferente categoria:

Categoria: Poesia existente; klas 1-2

–  Storia cortico existente; klas 1-2

–  Poesia original skirbi pa alumno mes; klas 1-2

–  Storia original skirbi pa alumno mes; klas 1-2

– Poesia original, skirbi pa e alumno mes; klas 3-4-5-6 (EPB/Mavo/Havo/VWO y EPI; klas 1-2

Comision organizado ta consisti di Grupo Corector di Papiamento, Fundacion Lanta Papiamento (FLP) y Departamento di Cultura Aruba (DCA), manera mi a menciona caba.

DCA tin como prioridad den su maneho cultural di *Educacion den Arte y na unda cu e Proyecto Escolar Arte di Palabra aki ta ofrece esaki den e parte expresivo, literatura y tambe e bon uzo di nos idioma Papiamento cu ta hopi importante, stimula esaki bou di nos hobennan di Scol Segundario. Ambos ta di vital importancia mirando cu 2018 ta Aña di Papiamento DCA ta keda pone enfasis riba cuida, promove y stimula su bon uzo di nos idioma Papiamento tanto na nos scolnan, como e publico general.

Departamento di Cultura Aruba bou auspicio di Ministerio di Cultura y comision organisado ta invita hobennan y adulto pa bin presencia e aña aki competencia Arte di Palabra lo tuma luga riba 3 di maart 2018 for di 6or di atardi pa 9or di anochi… Cu ta su celebracion di 10 edicion aki mes den Cas di Cultura. Entrada ta Gratis!!!

Ya ta varios aña cu e proyecto aki di competencia Arte di Palabra ta popular y ta creciendo.

- Advertisement -

DUNA COMENTARIO

Please enter your comment!
Please enter your name here