Home Actividad Especial Concierto Dominical Donny Laclé cu un variacion unico di musica latino, folclorico...

Concierto Dominical Donny Laclé cu un variacion unico di musica latino, folclorico y local

20
0
SHARE
- Advertisement -

ORANJESTAD   (AAN):   Diadomingo awor, dia 25 di februari 2018, Fundacion pa Talento Musical Donny Laclé ta sigui cu su Concierto Dominical cu lo tuma luga den sala di Biblioteca Nacional na George Madurostraat na playa Pa diadomingo awo, manera costumber ta presenta 3 grupo.

E prome presentacion ta na encargo di Tomás González. Tomás ta un cantante cu ta compaña su mes riba guitara y pista. E lo canta un variacion di musica latinoamericano, folclorico, portugues y hasta local.

Durante un pausa cortico ta pasa rond cu e “caha di glas” pa haci un donacion boluntario pa e fundacion por sigui yuda nos hobennan talentoso riba tereno di musica.

Ta sigui cu Carlos Bislip Quartet cu ta consisti di 4 musico cu lo brinda nos musica tropical y tipico di Aruba y kisas tambe algo original.

Ta termina e concierto cu Erick Uchtmann y Wilberth Bejarano y nan grupo cu a uni e diadomingo aki pa ofrece nos un presentacion diferente di diferente tipo di musica y tipo di instrumento musical.

Ta invita tur e bishitantenan fiel di Concierto Dominical y henter pueblo di Aruba pa ta presente dia 25 di februari. E concierto ta cuminsa exactamente 11.00 or di mainta y ta dura te mas o menos 13.00 or.

- Advertisement -

DUNA COMENTARIO

Please enter your comment!
Please enter your name here