Home Actividad Especial Consul Dominicano lo reconoce varios persona awe na acto oficial

Consul Dominicano lo reconoce varios persona awe na acto oficial

20
0
SHARE
- Advertisement -

ORANJESTAD (AAN): Awe Diamars mainta lo tin un Ofrenda Floral na e busto di Plaza Juan Pablo Duarte.

Fundacion Dominicana Arubaanse Juan Pablo Duarte lo pone su Ofrenda Floral dia 27 di Februari pa 9:30 am en conexion cu dia di Independencia di Republica Dominicana.

Esaki lo tuma lugar na e Plaza Juan Pablo Duarte conmemorando e 174 Aniversario di Independencia.

Consul General Alfredo Mateo Zabala hunto cu funcionarionan di e sede consular, lo ricibi Premier Evelyn Wever-Croes na e acto aki.

Nan ta haci invitacion na tur Miembro y no miembro di e organizacion aki y comunidad en General.

E mainta lo cuminza cu hisamento di banderanan y cantamento di himno di Hulanda, Aruba, y Republica Dominicana, na man di Brigada de Bomberos Voluntario del Caribe, Comandante Francisco Sanchez Contreras.

Lo tin bendicion di Pastor Domingo Rodriguez, sigui pa e acto solemne protocolar di ofrenda floral na honor di e tatanan di e patria, Juan Pablo Duarte Diez, Matias Ramon Mella, y Fransico del Rosario Sanchez.

Lo bay tin disucrso di Ministro President Evelyn Wever-Croes, Consul General Alfredo Mateo Zabala, y e General Retira, Historiador, Decano di Estudio Superior di Asuntonan Diplomatico, Dr. Demostenes Felix Paniagua.

Resumiendo e dos ultimo discursonan, a resalta e proceso di e gesto historico cu a culmina cue Independencia y Libertad di Pueblo Dominicano, prome cu e invasion stranhero durante 22 aña, y e balentia di homber y muhernan, encabeza pa heroenan y fundadornan di e patria Dominicano.

Consul Dominicano lo bay reconoce e biaha aki tambe Premier Evelyn Wever-Croes, como danki cu Aruba a laga integra y sostene pa mas di 100 aña e comunidad Dominicano estableci na Aruba.  Tambe na Sra. Mary Wever-Lacle, ex-Ministro di Educacion, pa a bin cu e ley di 1998-2001 unda tur mucha tin derecho na educacion sin importa nan status migratorio.

Tambe lo honra esnan den sector priva, e.o. Roberto Garcia Oller (Union Caribe), Francisco Alberto Saladin Sanchez (Frasa International).  Tambe Teofilo Rodriguez pa su labor como director di Academia Stichting Tiger Taekwondo Academy.  Comandante Francisco Sanchez Contreras como Brigada di Bombers Voluntarios del Caribe.

Tambe ta reconoce famianan emigrante cu a destaca y contribui na comunidad na Aruba, manera Josefa Antonia Paniagua-Moreta, Maria Cristina Faneyte Batista, Estanislao Nadal y Electa Payano, y Antonio Sarda.

Un Pabien na e Comunidad Dominicano residencia aki na Aruba den Nomber di Directiva .

 

 

- Advertisement -

DUNA COMENTARIO

Please enter your comment!
Please enter your name here