Home Social Cruz Cora ta extende programa di alimentacion na St. Maarten

Cruz Cora ta extende programa di alimentacion na St. Maarten

7
0
SHARE
- Advertisement -

ORANJESTAD (AAN); Informacion di St. Maarten, ta mustra cu keto bay tin hopi famia luchando ainda financieramente despues di Horcan Irma.  Pesey Nederlandse Rode Kruis, por medio di su branch na St. Maarten, ta extende su programa di alimentacion na schoolnan te cu fin di mei 2018.

“Nos ta reconoce cu hopi mayor ta ainda pasando duro pa segura un trabao full-time ya cu hopi negoshi a haya hopi daño durante Horcan Irma” coordinador di proyecto di NLRK Michiel Jurgens ta bisa. “Como resultado, nan abilidad pa provee bon nutricion na nan yiunan ta un problema. Door di extende nos programa di alimentacion, nos ta spera di por alivia e peso aki cu nan por ta sinti.”

E programa ta provee desayuno y cuminda cayente merdia na mas cu 4000 alumno di school basico den 18 school. Un menu nobo di desayuno a worde desaroya cu ta inclui mas fruta fresco pa e muchanan.  Esaki despues di implementa un menu nobo di lunch cu ta mas na gusto di e localnan.

Preparacion di e cumindanan aki ta cuminsa 5’or di mainta, na momento cu 28 voluntario di Cruz Cora local drenta cushina na Sundial School. For di momento cu e programa aki a cuminsa na Oktober 2017, un total di 438,000 cuminda a worde prepara y entrega for di cushina aki. Fuente: Soualiga Newsday

Cruz Cora Aruba ta hopi orguyoso di henter comunidad cu a yuda sin pensa dos biaha y asina ta haci posibel pa aporta na e proyectonan aki na St. Maarten. E programa di distribucion di awa, shelter, psychosociale hulp mesora despues di e desaster, asistencia cu voedselpakketten y den ultimo lunanan e programa di alimentacion na school aki ta solamente parti di e ayudo brinda pa Cruz Cora na St. Maarten.

 

- Advertisement -

DUNA COMENTARIO

Please enter your comment!
Please enter your name here