Home Parlamento Cu placa di pueblo mester paga cobranzanan di SETAR pa uso di...

Cu placa di pueblo mester paga cobranzanan di SETAR pa uso di telefon di gobierno anterior

303
0
SHARE
- Advertisement -

Un so ta di 19.335 florin segun Endy Croes:

ORANJESTAD (AAN) – Parlamentario Endy Croes, di fraccion di MEP, tabata presente den conferencia di prensa ayera, den sede di MEP. El a hiba palabra y a lanza un critica cu cual e kier mustra y ilustra e mentalidad di e gobernantenan anterior.

Nan a haya un cuenta di Setar di diferente celular I-phone 7 S8X cu ta tecnologia sofistica cu e mes no sa con pa uza, y cu ta indica cu ainda despues di eleccion e gobierno aki tabata tuma telefon bao contrato.

E parlamentario a señala cu na November despues di eleccion y cu nan a bay cas nan a trata di kibra e contrato aki, pero sin entrega nan telefon.

“Esaki ta e hecho cu mi kier denuncia awe, publicamente, y mi ta papia di un cobranza cu gobierno actual ta haya, di 19.335 florin.

Nan ta specifica diferente number pero lamentablemente no tur tin nomber”, e parlamentario a señala, mencionando otro sumanan di algun number di telefon y cuanto cada un a costa na placa: 593-3701 cu mester paga 7.438,= florin y 592-1370 pa cual tin cu paga 4.877,= florin. Un cu a resalta ta 522-9009 na nomber di sr. Juan David Yrausquin. Un suma di 19.335,= florin. Un ex-minister na Hulanda cu contrato di telefon y cu ainda no kier entregue.

E parlamentario a yama Yrausquin pa abusador y sinberguenza. E sumanan aki e gobierno na mando tin cu bay paga, pa motibo cu e gobierno cu a baha no a entrega e telefonnan cu nan a pone riba cuenta di pueblo. “Bo tin cu haci areglo cu yen di angustia y presion halto den curpa y otronan ta yoyo di e manera aki cu e placa aki. El a manda pa e gobernantenan actual cu pa nan como parlamentario e fly aki no ta subi. Nan ta exigi tanto di e fraccion di MEP como di e coalicion den su totalidad pa keho wordo entrega na Ministerio Publico pa e cosnan sinberguenza aki.

“Of bo ta trece e telefon den bon cerca nos of nos ta buske den malo na bo cas cerca bo”, Parlamentario Endy Croes a subraya.

El a remarca cu abuso tin cu caba y cu e ta algo cu nan a scucha hopi durante cu nan a cana bishita casnan durante campaña, Parlamentario Endy Croes a acentua.

- Advertisement -

DUNA COMENTARIO

Please enter your comment!
Please enter your name here