Home Parlamento Den 2018 no por sigui gaña pueblo

Den 2018 no por sigui gaña pueblo

30
0
SHARE
- Advertisement -

Segun Marlon Sneek:

ORANJESTAD(AAN): Ken por splica dicon prijs di gasolin tin cu bolbe subi y asina tanto. Segun parlamentario Marlon Sneek, tin un poster cu Evelyn Wever-Croes a pone un poster, cuestionando dicon e prijs di gasolin a subi asina tanto y splica esey.

Por a corda tambe den un rueda di prensa, Xiomara Ruiz-Maduro a pidi sr. Sneek, pa puntra minister de Meza dicon el a subi. Awe e rolnan ta cambia.

Sra. Ruiz-Maduro ta minister awo. Prijs di gasolin ta subi debi na mercado internacional. Awo e sa e contesta, pasobra e ta sinta riba e stoel. E tipo di weganan aki no por haci cu pueblo. Purba di manda veneno den comunidad, bisa cu ta Gobierno ta esun cu ta hisa prijs di gasolin. Ora gobierno manda e cifranan, purba y sigui riba dje y bisa cu internacionalmente a mira cu ningun prijs di petroleo a subi. Awe kier uza e mesun splicacion y awe si pueblo mester tum’e manera nada no a pasa.

Esey ta e parti maligno di e hendenan aki, segun Sneek. Bo tin hende cu tin dos manera. Nan ta haci un cos of ta bisa un cos door di bobedad of nan ta haci’e door di maldad. Door di bobedad no ta kere pasobra ta un meester ta papiando eynan. Ta maldad tin tras di e cosnan aki y pueblo mester keda informa.

Nan ta bay haci 100 dia den gobernacion y den 100 dia ya e gasolin a subi. Gaña pueblo. Promesanan di cakiña. Drenta cas di hende, bisa nan cu nan ta bay baha gasolin, cu nan ta bay busca gasolin mas barata. Kico nos ta haya awe, prijs di gasolin ta subi.

Den 2018 no por sigui gaña pueblo. Mescos cu por a scuch’e unda cu ta tira un para riba salario minimo. Awo tin cu sinta mira kico minister Glenbert Croes ta bay haci.

E cosnan aki, populista, cosnan di fariseo mester cambia. Bo no por tira para, segun Marlon Sneek.

Bisa e berdad. Esey ta loke ta lamenta cu awe nos tin un gobierno cu un cantidad di promesanan di cakiña.

 

- Advertisement -

DUNA COMENTARIO

Please enter your comment!
Please enter your name here