Home Salud Departamento di Salud Publico lo tin dia di informacion pa coleganan medico

Departamento di Salud Publico lo tin dia di informacion pa coleganan medico

9
0
SHARE
- Advertisement -

ORANJESTAD(AAN): Departamento di Salubridad Publico (DVG) a tene un dia di informacion pa nan coleganan den e sector medico cu lo tin cu traha den cierto medische posten. Si cierto incidente, calamidad pasa na Aruba nan lo mester habri cierto medische postnan strategicamente escogi, plama na Aruba.

Segun Ronald Geerman, kende ta fungi como crisisleider y tambe como crisiscoordinator, e meta di e medische postnan aki ta pa si bo tin un caso unda bo tin hopi victima, y cierto momento hospital no por mas cu e flow di e personanan, e medische postnan aki mester absorva cierto cantidad di e personanan aki, pa hospital sigui riba e victimanan di mas gravedad, esta prioridad mas halto.

Tin diferente post escogi, parti na Aruba. Esaki ta depende di e incidente, ta anuncia cu cierto caminda y cierto edificio ta fungi como medische post. Den caso di un horcan, por ehempel tin diferente edificio cu a kies.

Tin cu warda si despues di un horcan, pa mira si e edificio ta den condicion pa e por uza ainda. Y si e worde habri, via canalnan oficial di Gobierno, ta worde anuncia cu cierto edificio y tal luga, ta fungi como un medische post y ki categoria di persona of pashent por dirigi nan mes na e medische postnan aki.

Directie Volksgezondheid, no tin tur specialismo ta traha den cas. Pesey ta traha hunto cu Imsan, Hospital, Wit Gele Kruis y otro departamentonan cu tin personal medico.

Geerman a sigui splica cu Aruba ta bezig ta trahando riba un plan, pa por sea caso cu por bin un fluho di Venezuela, mirando con cerca nos ta keda for di costa di Punto Fijo, pa mira con por yuda nan.

Prepara ta un palabra grandi. Segun Geerman, nos ta un isla chikito y ta bay cu diferente programa, curso y nunca tabata tin situacion di un pais grandi, ta flow bin den un pais chikito. Hopi biaha ta paisnan grandi ta bay den paisnan grandi. Tin cu corda cu nos tin cierto limite, y ora bo traha un plan, e no mester interferi den bo rutina diario. Es decir, si bo ta pone cierto cantidad di medico pa yuda e hendenan, e no mester stroba e comunidad pa haya su servicio tambe. Esey ta cierto retonan ora cu traha cierto plannan.

E curso aki no ta algo nobo, pero periodicamente, como refreshment, ta invita esnan envolvi, pa pasa door di e plan y varios biaha ta bin cu trahadonan nobo. E ora ey e trahadonan aki ta haya informacion corecto di kico ta spera di nan como profesional y kico nan por spera di DVG pa por coordina y eventualmente ta hende ta e meta principal pa por yuda.

For di Aruba nunca DVG a manda personal den exterior. Pero si tabata standby cu un team, pa si acaso St. Maarten a pidi ayudo, e team por a worde manda pa St. Maarten, Geerman a splica.

 

- Advertisement -

DUNA COMENTARIO

Please enter your comment!
Please enter your name here