Home Gobierno Di un par di siman pa un luna Academia di Ley lo...

Di un par di siman pa un luna Academia di Ley lo bira un realidad

13
0
SHARE
- Advertisement -

Minister di Husticia mr. Andin Bikker:

ORANJESTAD (AAN) – Den conferencia di prensa cu Minister di Husticia mr. Andin Bikker, a puntre tocante e proyecto pa bin cu un Academia di Ley, si tin avance pa e wordo ehecuta.

E mandatario a duna di conoce cu dos siman pasa cu el a bay Curacao, aya nan a yega na un acuerdo tocante esaki. E tema aki tabata punto principal di agenda den un reunion unda tur e Ministernan di Husticia di Reino a bin hunto.

“Eynan nan a aplaudi e proposicion aki, y mas tarda dia 16 di Februari nos ta presentando un plan concreto riba esaki. Un par di siman pasa cu Stat Secretaries a bin Aruba mi a mencione esaki, y e ta pone den su contexto den Tweede Kamer y el a contesta cu e ta aplaudi e iniciativa di Minister di Husticia di Aruba, cu kier moderniza nos leynan pa medio di un Academia di Ley, y cu e ta duna su sosten y ta warda riba e proposicionnan”, mr. Bikker a subraya.

El a agrega cu lamentablemente su predecesor no a duna atencion na e Academia di Ley aki, mientras cu mocionnan presenta den Parlamento di 2014 bin ariba, a wordo aproba unanimamente. “Aworaki cu mi mes ta Minister di Husticia sigur e tin prioridad pa mi y nos ta canando den bon direccion. Tambe Curacao, Sint Maarten y Hulanda ta aplaudi e iniciativa aki, y mi ta kere cu den un par di siman pa un luna e ta bay bira un realidad”, e dignatario a subraya.

 

- Advertisement -

DUNA COMENTARIO

Please enter your comment!
Please enter your name here