Home Cultura Diadomingo awor na Cas di Cultura tin “Homenahe na Trio: Rescate di...

Diadomingo awor na Cas di Cultura tin “Homenahe na Trio: Rescate di Memoria”

38
0
SHARE
- Advertisement -

ORANJESTAD (AAN): Den cuadro di Dia Internacional di Idioma Materno y Aña 2018: Aña di Papiamento sr. Mirto Laclé, Gestor Cultural, hunto cu Biblioteca Nacional Aruba, Departamento di Cultura di Aruba y Instituto Pedagogico Arubano kier a invita bo(so) pa Homenahe na Trio; Rescate di Memoria.

DIARIO a nota cu esaki lo tuma luga riba diadomingo 18 di februari 2018 di 3:30-7:00 p.m. na Cas di Cultura, y entrada ta gratis.

Un actividad pa preserva, promove y activa nos lenga mama, lenga crioyo Papiamento pa medio di canto y musica na Papiamento y otro idioma cu Homenahe na Trio; Rescate di Memoria.

Lo ta un atardi cu poesia, canto, baile, musica y proyeccion di pelicula. Central lo ta Trio, cu a existi y otro Trionan cu ta activo ainda, sea individual o integra den por ehempel Rondalla Universo di Aruba. Rondalla Universo di Aruba lo presenta un disco compacto (CD) nobo su musica mester t’ey cu 14 pieza musical na Papiamento, nos lenga crioyo. Lo retrospecta un era di nostalgia. A tene entrevista cu diferente persona yega na Trio, descendientenan di personanan cu a pertenece na Trio y pa medio di proyeccion lo mustra un documental preliminar di un documento cu ta den construccion.

Ora papia di e genero musical Trio e siguiente preguntanan ta bini na mente. Kico ta un Trio?  Kico ta haci cu por papia di un Trio? Cua ta e criterionan pa por papia di Trio? Cuanto Trio tabatatin y tin na Aruba? Cua tabata e prome Trio? Cua Trio(nan) ta existi ainda y ta activo? Cua Trionan stranhero a yega di bishita Aruba (na unda y na cua aña)? Ken a conbibi e presencia di Trionan di afo na Aruba? Ta Trio masculino so tin? Cua Trionan femenino a existi?

Pa medio di entrevista a documenta entre otro nietonan, sobrinonan, yiu- rumannan y otro descendientenan, amigonan, integrantenan di Trio na Aruba. Cua, kende y kico a influencia nan pa por a forma Trio musical na Aruba. Lo demostra con sonido y imahen, radio, television, cine-teatro, juke box, a influencia Trio y Mariachi na Aruba.

Trio los Arubeños, lo deleita publico cu algun pieza original di Trio los Aventureros (1957-1964) cu a consisti di Doy Salsbach, Stanley Albertus (dfm) y Martin Dania (dfm).

Un programa completo cu entre otro baile pa Club di Movimiento, Pianista Johnny Scharbaay y su grupo di amigo lo dedica un homenaha na Jacobo “Toty” Arends (dfm/ 30 di december 1927- 20 december 2017). Tambe Ronny Kock, Etty Toppenberg y otro artistanan lo deleita publico cu algun pieza

Persona di contacto sr. Mirto Laclé, Gestor Cultural (742-6274/740-2044).

 

- Advertisement -

DUNA COMENTARIO

Please enter your comment!
Please enter your name here