Home Parlamento Drs. Shailiny Tromp kier haya sa con ta para cu e asunto...

Drs. Shailiny Tromp kier haya sa con ta para cu e asunto di Sero Cristal

20
0
SHARE
- Advertisement -

ORANJESTAD   (AAN): Drs. Shailiny Tromp-Lee di fraccion di MEP, Diaranzon a reaccion riba e noticianan cu a Sali ultimo tempo rond di trabaonan cu lo ta wordo hasi rond di Sero Cristal.

El a indica cu naturaleza y areanan berde ta hopi cerca di su curazon y pesey e asunto aki tin  preocupa.

Segun e parlamentario, minister di Infrastructura recientemente a duna un presentacion den Parlamento riba ROP y base di e informacion aki y a base di tur cos cu a Sali den prensa rond di Sero Cristal, e ta bay manda algun pregunta pa minister di Infrastructura y tambe pa minister di Husticia.

“Mi kier puntra si ta berdad cu tin companianan cu ta hasi trabaonan di coba santo etc. rond y riba Sero Cristal sin e permisonan necesario y sin cu nan papelnan ta na ordo”.

“Mi a compronde cu na December a Sali informacion cu tin peticion pa asina yama ‘Hinder Vergunning’ pa e area aki y tambe pa compronde cu bisiñanan cu ta biba den e area aki a colecta mas cu 300 bezwaar cu nan a entrega na DWZ, pero cu te ainda nan no a haya un contesta riba e proceso aki”.

Esaki segun Tromp-Lee, kende a indica cu e habitantenan tin hopi molester, entre otro molester di stof cu ta afecta tambe e schoolnan den vecindario.

“Mas na mi curazon ta e hecho cu ta otro area berde mas nos ta bay perde, si Gobierno otorga e permiso en cuestion”, segun e parlamentario, kende a indica cu el a compronde cu ta trata di un fabrica di coba santo y un fabrica cu ta produci beton.

- Advertisement -

DUNA COMENTARIO

Please enter your comment!
Please enter your name here