Home Parlamento E les di economia cu awor KvK kier duna mester a wordo...

E les di economia cu awor KvK kier duna mester a wordo haci algun aña pasa caba

184
0
SHARE
- Advertisement -

Rocco Tjon ta reacciona riba KvK

ORANJESTAD (AAN): Segun Rocco Tjon MBA di Partido MEP, den noticia el a tuma nota di cierto expresionnan haci door di Kamer van Koophandel (KvK) den cuadro di e aumento di salario minimo. En general pa loke ta trata desaroyo economico puntonan valido. Valido desde 2009 caba.

Normanan pa sector publico, segun e ley di LAFT, ta algo cu ta existi prome cu e gobierno actual a asumi responsabilidad. Segun rapportnan imparcial di Raad van Advies, CAft, ARA, a worde objectivamente determina cu maneho anterior, qua entrada, tabata a base di entrada incidental, dus no a base di stimula bo economia y “economic growth”.

Apesar di esey tambe semper a haci uso di proyeccionnan irrealistico pa loke ta trata nos economia y a base di proyectonan fantasma manera supuesto apertura di nos refineria. Es decir e “les di economia” cu KVK a trata na duna ayera na noticia lo mester a worde duna algun aña pasa kisas na mandatarionan irresponsabel.

E comentarionan ta perde valides mas aun ainda ora cu mandatarionan actual a anuncia cu lo haci un estudio y nos minister president actual a mustra con na su ministerio solamente caba a baha gasto enormemente.

E parlamento aki lo haci su trabao manera debe ser, es decir KVK no tin nodo di preocupa. Nos ta dispuesto pa traha cu tur organizacion, hende y partido, pero semper a base di respet mutuo y sin haci acusacionnan infunda.

- Advertisement -

DUNA COMENTARIO

Please enter your comment!
Please enter your name here