Home Policial E mesun muher awor a drenta otro Supermarket pa horta

E mesun muher awor a drenta otro Supermarket pa horta

1433
0
SHARE
- Advertisement -

ORANJESTAD (AAN): Diahuebs mainta, un trio di shoplifter a drenta den Rey Hing Foodcenter na Pos Chikito.  E personanan aki claramente a drenta e lugar cu ningun bon intencion.

Y esey a resulta di ta berdad!  Ora cu a bay revisa tur security video den e establecimento, a descubri cu e muher y e dos hombernan a horta por lo menos 200 Florin na producto.

Nan forma di “Five-Finger Discount” no ta aceptable den e mundo moderno aki, y ademas ta un acto castigable.

Despues di a acumula tur imagen di video, y tambe potret, a dicidi na pone Polis na altura.  Agentenan a tuma e denuncia oficial, y awor autoridad ta bay cuminza investiga e asunto.

Pa colmo, e muher y e dos hombernan a wordo reconoci tambe di a horta monton di mercancia tambe na Wan Jia Le Supermarket na Meiveld recientemente.

Videonan di e tres shoplifternan aki a circula grandemente riba Social Media, y awor Polis tin e caso cla riba un teblachi pa nan.  Hasta nomber di e muher a bira conoci.

Mirando e hecho cu e trio aki a drenta horta den diferente supermarket, no ta descarta e posibilidad cu negoshinan lo por cuminza pone nan riba blacklist y nan lo no por drenta ningun negoshi mas.

Pasobra nan ta bira sinonimo di hende di desconfianza y ta horta so cada rato.   Ministerio Publico tin e ultimo palabra den esaki.

- Advertisement -

DUNA COMENTARIO

Please enter your comment!
Please enter your name here