Home Comercio Empleadonan di Aruba Bank comprometi pa ofrece un experiencia superior

Empleadonan di Aruba Bank comprometi pa ofrece un experiencia superior

35
0
SHARE
- Advertisement -

ORANJESTAD (AAN): Diamars merdia empleadonan di Aruba Bank a topa otro na nan sucursal na Camacuri pa un evento cu a culmina cu lansamento di nan campaña institucional un “Experiencia Superior”, esta un “Superior Experience”.

Lansamento di e campaña ta mara na introduccion di un plataforma di comunicacion nobo. E resultadonan cu a desvela durante di e atardi entre empleadonan ta resultado di sondeonan extenso den mercado pa compronde con ciudadanonan ta balora producto y servicio netamente Arubano, manera Aruba Bank.

Segun Sharon Fränkel-De Cuba, Managing Director di Aruba Bank, “ta importante pa nos ofrece loke e cliente kier. Ta p’esey nos ta dedica hopi tempo na comprende e necesidadnan di nos comunidad.”

En conexion cu esaki, Aruba Bank como e unico banco netamente Arubano lo mester actua como tal, esta cu e amabilidad, cordialidad y segun e multiple atributonan cu ta caracterisa nos hendenan y ofrece un Experiencia Superior.

Despues di a sigui diferente curso durante 2017 y sesionnan durante e actividad di diamars, empleadonan a ricibi nan certificado y pin di graduacion cu ta marca inicio di un trayecto di ofrece un experiencia superior. Meta ta pa sigui mehora pa ofrece tur cu drenta un “Experiencia Superior”, un “Superior Experience”.

Clientenan di awendia ta spera hopi di un banco y Aruba Bank tin tur ingrediente pa ofrece loke nan ta desea.

- Advertisement -

DUNA COMENTARIO

Please enter your comment!
Please enter your name here