Home Salud Encuesta a revela cu na un edad di 14 aña mucha muhernan...

Encuesta a revela cu na un edad di 14 aña mucha muhernan ta sexualmente activo

17
0
SHARE
- Advertisement -

Na Aruba

ORANJESTAD   (AAN): Tur mucha ta vulnerabel pa HPV. Tur hende cu ta bira sexualmente activo, lo drenta den contacto cu e virus. E virus aki ta tur caminda. Tur hende cu ta sexualmente activo den nan bida, 80% di nan lo haya e virus. Pero den mayoria caso, e virus no ta bay haci daño, pero den algun caso si.

Cu bo haya e virus den bo curpa, esey ta pasa masha facil mes. Por bisa cu tur mucha cu den nan tempo, ora nan bira grandi, lo bira sexualmente activo, ta vulnerabel, pasobra nan lo encontra cu e virus. Den cua di nan, e virus aki lo bay haci daño na nan boca di matris, esey no por bisa. Tempo lo tin cu mustra esey.

Pero cu por haya e virus, esey ta algo cu casi tur lo pasa aden. E edad cu muchanan ta bira sexualmente activo, haciendo un investigacion na 2012, tabata tin un encuesta basta grandi bao di hobennan na Aruba y for di eynan a detecta cu muchanan, un promedio di edad di 14 aña, ta bira sexualmente activo. Esey ta na un edad relativamente hoben. Un biaha mas y ta importante pa mucha haya e vacuna hopi mas prome cu e bira sexualmente activo.

1500 mucha muhe ta vacuna te cu awor aki, segun dr. Jan Hubert. E por yega 2000. E aña escolar aki, 54 casi 55% di e mucha muhenan di 6de klas ta vacuna. Ta wak un adelanto poco poco di porcentahe, pero claramente kier pa e subi mas. E ta subiendo un poco si, segun e medico.

E vacuna ta gratis. Salubridad Publico ta paga pa e vacuna aki. Muchanan tin cu tuma dos biaha e vacuna. Durante e aña escolar, na comienso ta pasa scol, e mayornan haya informacion y na final di e aña escolar, ta duna un di dos dosis. E muchanan bao di 15 aña mester haya dos dosis di e vacuna den dos ocasion.

Departamento di malesanan contagioso tambe tin e vacuna. Esaki ta specialmente cu no ta cay den e grupo aki pero cu si kier e vacuna. E tin un gasto abao cun’e. Nan por haya e vacuna aki tambe.

- Advertisement -

DUNA COMENTARIO

Please enter your comment!
Please enter your name here