Home Parlamento Endy Croes ta haya cu Dowers awor na 2018 tin di stop...

Endy Croes ta haya cu Dowers awor na 2018 tin di stop cu su politica di “Shishi”

28
0
SHARE
- Advertisement -

ORANJESTAD (AAN): Siman pasa Parlamentario Endy Croes a baha fuerte riba Dowers momento cu den un conferencia di prensa anterior Dowers kier a ple mas santo cu Papa di Roma y a manda pidi Señora Evelyn Wever Croes cu e kier mira contractnan di media pasobra segun Dowers e contractnan ey no ta existi.

Wel Parlamentario Croes a para careda di Dowers totalmente momento cu el a publica e contractnan cu pruebanan di pago di Financiën unda amigonan di Dowers esta PAXI (compania di Patrick Paskel y Xiomara) a strica 1.3 MIYON for di gobierno pa marketing.

Un contracto pa  Media Monitoring. Nan ta scucha y controla tur media y esnan cu papia of skirbi contra gobierno, te hasta riba Facebook, nan lo skirbi articulo di prensa back pa contraaresta y defende gobierno. Te hasta creando accountnan falso riba Facebook pa haci un trabao sushi. Tera Group tambe di Patrick Paskel a cobra un otro 8 MIYON Florin pa mesun meta. Esaki ta un trabao di SHISHI, cu Dowers tabata gasta miyones di caha di pueblo pa defende su maneho fracasa.

Un maneho fuera di control:

Pa nos sorpresa Dowers mes tabata tin contract di mas di 250 mil pa aña cu e dos companianan aki. Mas di 1 MIYON Florin Dowers su so a regala e 2 companianan aki den e ultimo añanan pa defende su maneho cu tabata fuera di control. Un maneho unda atraco y ladronicia di auto tabata na ordo di dia. Un ex-Minister di Husticia cu a maneha Aruba pa 8 aña ad hoc, sin ningun plan. Un maneho cu a fracasa totalmente.

Un maneho unda Dowers lo bay den historia como esun cu a habri nos frontera, importa tur clase di problema di paisnan bisiña, alaves importando tur sorto di  arma cu e resultado cu awe Aruba  ta un free for all. Mi ta trece esaki dilanti sin miedo pasobra ta asina ta.

E cos aki tin su nomber y fam. Arthur Dowers y AVP. Pero na lugar Dowers siña di su pasado y admiti na pueblo pidiendo disculpa manera un cabayero pa por purba crea credibilidad back, Dowers ta subi e cabay robez y kier sigui ataca gobierno y Fraccion di MEP den Parlamento usando tactica di e politica anticua y e politica di AVP, esta e politica di “SHISHI”. Por nota si cu ta trata aki di un  AVP hopi debilita y zwak, pues un AVP cu a worde rechasa cu 10 mil voto.

MEP no a mete den investigacion:

Dowers a ataca Fraccion di MEP di a mete den investigacion relaciona cu un caso hopi doloroso, esta e caso di De Vuyst. Fraccion di MEP ta desmenti esaki categoricamente.

Enbes cu Dowers trata na splica pueblo con lo mester bay paga y restaura Pais Aruba di e “Desastro Financiero” cu e y AVP a laga atras, Dowers ta opta pa hunga su rol di “SHISHI”. Ningun momento Fraccion di MEP a mete den ningun investigacion.

Un miembro di Fraccion  cu ta hopi yega na e famia encuestion na un momento a lansa preguntanan comun y coriente puntrando pa e status di investigacion. Fraccion di MEP ta hopi contento cu a logra pone man riba un presunto sospechoso di cual por a compronde publicamente di OM cu e DNA a “match”. Pues ta di aplaudi cu mediante tecnologia moderno por resolve casonan complica. Fraccion di MEP ta felicita henter e cuerpo di investigacion cu a traha incansablemente riba e caso cual lo trece por lo menos alivio pa e famia alrespecto y trankilidad den pueblo.

Duna Cesar loke ta di Cesar. Fraccion di MEP por ta critico den cierto situacion pero ta elogia y aplaudi ora esaki ta na su lugar. Un palabra di felicitacion na henter e cuerpo cu a traha riba e caso aki.

- Advertisement -

DUNA COMENTARIO

Please enter your comment!
Please enter your name here