Home Cultura Escritor Omaira Britten a bishita Gobernador y presente su coleccion di poesia

Escritor Omaira Britten a bishita Gobernador y presente su coleccion di poesia

58
0
SHARE
- Advertisement -

ORANJESTAD (AAN) – E escritor di poesia sra. Omaira Britten, un dama Arubano reconoci internacionalmente, tabata di bishita cerca Gobernador, S.E. Alfonso Boekhoudt.

E motibo tabata pa presenta Gobernador su coleccion di bukinan di poesia cu e mes a skirbi cu hopi orguyo y dedicacion.

E coleccion aki nunca a wordo publica, pa motibo cu nunca el a haya e yudanza necesario. El a bin cu su medaya y su trofeo, como Arubiano, cu a wordo otorga na dje na Curacao, pasobra nunca su trabou no a ser reconoci y no a haya ayudo di parti di gobierno di Aruba pa por realiza e publicacion di su obranan literario.

E ta hopi y gradici na Tata Poderoso, ya cu di hoben e tabata tin e talento pa skirbi poesia. E prome persona pa a habri su portanan pe tabata Sr. Jossy Mansur (dfm). Asina el a cuminza, publicando su poesianan den matutinonan.

Na momento cu el a gana e trofeo na 2007, ni un hende no a acerca su persona. E mes a yama Sr. Baboe Hoek, y Sr. Jubi Naar cu a haya sa for di Curacao cu tambe a bay. Na Curacao, e corant ya no-existente La Prensa a haci un bunita homenahe pa Sra. Britten.

Pero tabata Sr. Hoek cu a yama e otro periodistanan, y asina el a bin haya entrevista di loke ta su trofeo, pa loke el a haci pa Aruba. Ta Aruba ta resalta tur caminda, mas ainda ora cu nan no sa unda Aruba ta keda.

Ora cu himno di Aruba a zona, cu e no por a papia di emocion. E himno di Aruba ta manera sra. Britten su lombrishi, ya cu eynan su lombrishi ta dera.

Aña 2018 ta aña di Papiamento y esaki ta di gran nificacion pa Sra. Britten, cu tabata compaña pa hobennan, cu el a acerca ya cu su soño ta pa muchanan jong sigui cu loke nan a nace cun’e. E ta un don cu bo ta nace cun’e, cu bo ta hay’e den arte, pintura, den tur cos.

Tabata yiu di Sra. Britten, Emmanuel, cu a bisa cu un di hobennan tabata pintando y asina el a dicidi di trece e hobennan aki dilanti. Nos no mester corta nan hala. E hobennan a bin cu nan pintura, cu ta refleha loke e buki ta bisa :”Pompa pushi”.

Un a pinta e pushi y un otro a pinta un shoco cu ta mustra cu niun hende ta bobo riba e mundo aki. Tur hende tin algo cu ta refleha su personalidad. Bo ta nace cu un don, y e ta keda pabo, e ta un regalo di Dios.

Emmanuel, yiu di Sra. Britten tabata honra di ta banda di su mama, cu Dios sa ki ta e deseonan cu cada un di nos tin den nos curazon y ta sumamente orguyoso di un mama cu a dune un don, cu atravez di dje, e tambe ta skirbi poesia.

Sin Dios, nada ta posible! Tur cos ta posibel cu Dios bo dilanti! Pa loke ta Emmanuel ta pa traha su bukinan y pa e wordo publica na Aruba y den exterior.

 

 

- Advertisement -

DUNA COMENTARIO

Please enter your comment!
Please enter your name here