Home Parlamento Fraccion di MEP trahando riba ley di competencia y leynan rond di...

Fraccion di MEP trahando riba ley di competencia y leynan rond di abuso sexual di mucha y abuso domestico

57
0
SHARE
- Advertisement -

ORANJESTAD   (AAN): Parlamentario di e fraccion geel Daphne Lejuez Diaranzon durante un conferencia di prensa a papia tocante e asina yama ‘Mededingswet’, cu ta un ley di competencia.

Segun e parlamentario e ley aki ta existi na Corsow caba y ta un iniciativa cu for di 2013 caba ta andando na aruba.

E ley aki ta pa yuda garantiza cu tur hende den comercio por competi na mesun nivel.

Asina ta limita e formacion di cartel y ta proteha tanto e comerciante, como tambe e trahador.

“Esaki ta un di e leynan cu nos kier pusha pa wordo introduci, pasobra tur esakinan ta hermentnan pa por yuda promove desaroyo economico y pa yuda mas comerciante subi e mercado aworaki”, segun Lejuez.

“Banda di esaki nos no kier perde bista riba asuntonan social den nos comunidad, mirando casonan lamentable cu a sosode den pasado”.

“Nos ta bay sinta busca den diferente ley existente, pa wak kico nos por hasi a corto plazo”.

“Nos sa cu tin e iniciativa di ley di MEP di 2010, cu tabata pa introduci un castigo minimo den casonan di abuso sexual contra menornan di edad”.

Esaki segun e parlamentario, kende a sigui bisa cu ta bay purba introduci  esaki a corto plazo.

E intencion ta tambe pa traha riba un ley di 2007 riba abuso domestico, cu e tempo ey tabata un iniciativa di Monica Kock di MPA.

“Cu cooperacion di minister di Husticia Andin Bikker nos ta bay traha riba esakinan pa presenta esaki na Parlamento pronto y pasa e ley”.

“Asina nos por brinda proteccion, unda cu entre otro por saca e agresor for di e cas unda cu e ta comete abuso”, segun Lejuez.

 

- Advertisement -

DUNA COMENTARIO

Please enter your comment!
Please enter your name here