Home General FTA ta ripara cu Banco kier influencia empleadonan pa no vota pa...

FTA ta ripara cu Banco kier influencia empleadonan pa no vota pa sindicato

19
0
SHARE
- Advertisement -

ORANJESTAD(AAN): Durante un conferencia di prensa e consehero di FTA Rudy Geerman a bisa cu e banco CMB ta actua manera un mucha chikito. Na momento cu bo kita un coy hunga for di e mucha, e ta bisa e ta bira bon mucha. Ora cu e hay’e back, e ta lubida cu el a priminti di bira bon mucha. Esaki ta e actitud di gerencia di e banco, Geerman ta bisa.

FTA ta lamenta e actitud aki di hendenan grandi cu ta maneha un banco. Siman pasa diahuebs, pa di dos biaha, nan ta cera mita dia. Den e ultimo luna y mey ta un dia completo a worde perdi pa e clientenan ey. E ora ey cliente no ta conta, pa influencia e trahadonan pa no bay vota pa sindicato, segun Geerman.

E tipo di cosnan aki e sindicato ta lamenta y kier recorda e trahadonan cu dia prome di maart tin un referendum cu lo tuma luga na Oficina di Mediador, for di 2’or di atardi pa 7’or di anochi, esaki apesar cu den e publicacion ta menciona e orario di te cu 6or.

FTA ta haci un apelacion na tur miembro pa haci uzo di nan derecho di voto. Tambe el a bisa cu apesar cu un trahado no ta miembro di sindicato, si e haya e invitacion pa bay vota, e tin e libertad di scoge pa FTA. E ta pidi e trahadonan pa haci uzo di e derecho cu ley ta duna nan. E ta desmenti cu FTA ta preocupa cu e referendum aki, pasobra e sindicato ta convenci di nan lucha pa e clase trahado pero na final di dia e decision aki ta den man di e trahadonan. “Mas nos no por haci.”

Tambe el a bisa cu ta importante pa trahadonan di Aruba ta consciente cu debi cu e empleadonan a dicidi di acerca sindicato, gerencia a manda un carta pa empleado di tur nan banconan informando nan cu tur medida di austeridad anuncia ta riba “hold”.

FTA ta kere cu esaki tabata debi na e decision di e empleadonan aki na Aruba pa afilia nan mes na sindicato. E ta kere mas bien cu esaki ta un strategia di e banco pa trata di convence e empleadonan pa no afilia. Pero FTA ta bisa cu na cualkier momento banco por dicidi cu e situacion ta malo y mester bolbe bini cu e medidanan.

Pesey FTA ta bisa cu awor empleadonan tin e oportunidad pa demostra cu nan por haci un cambio. Corsou ta wardando kico e trahadonan di Aruba ta bay haci pa despues dicidi si nan tambe ta bay afilia. Geerman ta bisa cu no mester keda sorprendi cu prome cu diahuebs nan ta bini cu mas incentivo pa e empleadonan p.e. pa lening. E ta sinti cu banco ta dispuesto di perde placa pa convence e trahadonan pa no bay sindicato.

 

- Advertisement -

DUNA COMENTARIO

Please enter your comment!
Please enter your name here