Home Social Fundacion local mustrando cu nan tin proyectonan continuo pa comunidad

Fundacion local mustrando cu nan tin proyectonan continuo pa comunidad

24
0
SHARE
OLYMPUS DIGITAL CAMERA
- Advertisement -

ORANJESTAD (AAN):  E asina yama “ELSKA Foundation” a dedica hopi aña na traha den nos comunidad y tambe internacionalmente. ELSKA Foundation ta kere den e Amor cu ta biba den cada ser humano pa trece esaki back y pa nos por biba den un comunidad sano y harmonioso. ELSKA ta nifica Amor den idioma di Islandia cual ta loke e fundacion su raiz ta, su base pa tur cos cu nan ta haci.

Señora Lucy Arends den feliz memoria a cumpli 7 aña cu el a bay laga hopi cu ta stime y sa e trabao bunita cu e tabata haci di transformacion tanto personalmente y pa comunidad sea conoci of sea patras di e cortina, asina a sa di laga proyectonan atras pa continua den man di esnan cu e ta confia.

ELSKA Foundation a cuminsa na 2015 y asina a haci nan preparashonan, investigacionan, scouting y seleccion den diferente barionan na Aruba y skucha diferente anhelo di hopi di nos ciudadanonan.  ELSKA Foundation ta traha conhuntamente cu otro fundacionan of gruponan cu tin di haber cu tur e proyectonan cu nan tin riba nan calender pa añanan cu ta bin. Pero primordialmente ta traha pa trece e comunidad hunto “Community Building”. Di e ser humano su calidad di bida te na vivienda den cada bario.

Den trayectoria di ELSKA su Presidente Señora Abigaél Arends cual ta certifica riba diferente proyectonan internacional pa asina trece esaki na Aruba y intercambiando tambe cu otro paisnan ta sigui su  ‘Transformation Movement’ pa e area cual ta den Caribe.

Señora Arends ta conoci tambe pa a maneha various proyectonan y entrenamientonan bou di ELKA & Associates N.V. pa varios aña pa companianan priva, departamentonan di gobierno of fundacionan. Señora Arends a prepara algun aña tras di otro participantenan di beyeza cu nan self-esteem y transformacion, tambe hobennan den Ortopedagogische Centrum cual den 2 siman por a mira cambio permanente, como tambe Reformacion di hobennan di gang y a transforma, educa y inspira e hobennan aki pa ta mihor persona den nos comunidad.

Awendia hopi di e personanan aki ta trahando of studiando den nos comunidad sin cu nan worde huzga of menosprecia. Cu hopi dinan awendia ta ehempelnan pa otro. Proyectonan cu a concentra riba ayudo personal, guia den maneho basico di trabao, cambio di actitud, transformacion pa uno transparente y decente.

Tambe el a duna charlanan y sessionan priva na parehanan den conflicto, divorcio of otro casonan di depresion. Conhuntamente cu su tata Sr. Rory Arends cu ta den board cu ta un pionero di nos Turismo, conhuntamente a sa di traha e base di ATA y AHATA cual awendia ta traha optimal pa tanto promociona Aruba localmente y den exterior, co-fundador di PFTSA. Tambe a aporta su conocimento y experticio den varios directiva di fundacionan. Como tambe ta escritor di su buki “ Ayera, Awe y Mayan…?” cual ta un buki educativo y tin e storia di Aruba y su Turismo cu e ta laga atras.

E aña aki 2018, nos lo ta mas activo den diferente bario treciendo diferente proyectonan nobo y creativo pa asina por trece e famianan hunto. Lo nos tambe tin proyecto cu Señora Trudy Hassel Comisario di Polis pa asina haci Let’s Talk atrobe na Augustus 2018.

ELSKA Foundation ta kere fuertemente pa trece back den un concepto unico, nos norma y balornan back como ser humano, nos costumbernan como Arubiano, mesclando esaki cu respet y admiracion na tur otro nacionalidad cu ta bibando riba nos isla. ELSKA Foundation ta invita tur esnan cu ta desea di participa den un of otro proyecto pa tuma contacto na info@abigael.love pa por aporta, ta voluntario of desea di ta den e commission.

- Advertisement -

DUNA COMENTARIO

Please enter your comment!
Please enter your name here