Home Enseñanza Gamma IT Solutions ta cuminsa cu Curso di Coding pa hobennan

Gamma IT Solutions ta cuminsa cu Curso di Coding pa hobennan

15
0
SHARE
- Advertisement -

ORANJESTAD (AAN): Gamma IT Solutions ta introduci na april un curso di coding na nivel basico pa tur studiante na Aruba di 13 pa 17 aña di edad. E curso ta specialmente pa nan siña e basics di coding.

Aparte di esaki lo splica nan tocante kico tur nan lo por haci den futuro cu un studio den e area di Information Technology. Gamma lo tin nan Programmers, Designers y IT/Project Managers presente pa conta un poco tocante kico nan trabao ta y kico tur e actividadnan diario ta di cada un.

E proposito di e actividad aki ta pa purba envolve nos hobennan den e mundo di Information Technology. Frank Baks, Commercial Director di Gamma, ta conta “Nos ta realisa cu studia algo relaciona cu Information Technology no ta un choice hopi popular na Aruba y Gamma sigur kier aporta pa trece un cambio den esaki.

Gamma kier pa e studiantenan por ta bon informa tocante e posibilidadnan riba un futuro carera den e diferente areanan di IT. Ademas, ta hopi bon pa tin un background den IT door cu tecnologia ta birando mas importante dia pa dia y e demanda laboral pa hende cu background den IT sigur ta subiendo”.

E actividad aki lo tuma luga den e Conference Room di Gamma dia 7 di april di 10.30 am pa 1:00 pm. Nos ta invita tur hoben pa inscribi pronto door cu e maximo cantidad di studiante cu por atende ta 20 solamente. Por inscribi door di manda nos un email na students@gamma-itsolutions.com cu nomber y edad. E curso aki ta completamente GRATIS y ora di finaliza esaki tur hoben lo ricibi un certificado di parti Gamma hunto cu snacks y drinks.

- Advertisement -

DUNA COMENTARIO

Please enter your comment!
Please enter your name here