Home arte y espectaculo Gobierno lo tene un evento awe pa honra Jeon

Gobierno lo tene un evento awe pa honra Jeon

298
1
SHARE
- Advertisement -

Machika a bira mundial!

ORANJESTAD (AAN): Tabata un orguyo total pa mira con Gobierno, como tambe Cuerpo Policial a rindi homenahe na nos gran artista Jeon Arvani, kende Diamars a regresa Aruba y a hasta haya escolta Policial den su limousine.

Na su yegada na Airport, Ministro Dangui Oduber como tambe Ministro Xiomara Ruiz-Maduro tabata presente pa asina ricibi e artista local cu un merecido bon bini.  E cancion di dje, “Machika”, a bira un hit grandi pa Jeon hunto cu J Balvin di Colombia y Anitta di Brasil.

E cancion ta contene hasta palabra na Papiamento, cual a resona rond mundo den tur skina.  Recien hasta e Recording Industry Association of America a entrega nan, un Disco di Platinum pa e logro di benta di e single.

Ademas di esey, e cancion “Machika” ta eligible pa haya Certificado di Oro na Spaña pa e cantidad di copia bendi aya.  Y e siman aki, riba e Top 50 di Billboard Latin Pop Songs, “Machika” a subi for di Puesto #5 pa Puesto #3.

Awe Diaranzon anochi pa 7:00 pm, lo bay tin un Homenahe special pa Jeon dilanti Oficina di Gobierno na Playa.  Speranza tey cu tur fanatico di Jeon, como tambe tur Arubiano acudi pa asina mustra bo aprecio y sosten na e gran yiu di tera, cu su logro grandi.

Despues di e ceremonia na Airport, Polisnan motoriza a escolta e limousine di Jeon rumbo pa su destino!

 

- Advertisement -

1 COMMENT

DUNA COMENTARIO

Please enter your comment!
Please enter your name here