Home Gobierno Gobierno ta organiza Conferencia riba Dia di Hende Muher

Gobierno ta organiza Conferencia riba Dia di Hende Muher

58
0
SHARE
- Advertisement -

TEMA: “Briya den bo zapato y cana pa progreso”

ORANJESTAD (AAN) – Manera ta conoci Dia 8 di Maart venidero ta Dia Internacional di Hende Muher.

Den conferencia di prensa di Gobierno, Prome Minister mr. Evelyn Wever-Croes a referi na e fecha aki como un fecha den cual mundialmente ta wordo evalua e rol di hende muher den comunidad.

E ta un dia pa reconoce hende muher den e lucha pa progreso. E aña aki Gobierno di Aruba ta organiza un Conferencia na cual ta invita tur hende muher y hende homber y na unda ta bay presenta Oradornan cu ta inspira y trece un mensahe, den cual ta pone hende muher central.

E conferencia aki lo tuma lugar dia di Maart di 8’or di mainta pa 1’or di merdia na Renaissance Convention Center.

Entrada ta completamente gratis. Gobierno a organiza esaki pasobra nan ta kere cu door di stimula hende muher mas y mas den e rol cu nan kier pa asumi.

Locual si tin cu haci ta registra, pasobra experiencianan di ultimo añanan ta mustra cu e conferencianan aki  ta hopi bon atendi y cu e capacidad limita cu tin, naturalmente, ta importante pa registra.

Por registra via e webpage Gabinete Wever Croes den seccion di evento. Asina e ora e persona yega e ta aparece cu ta registra, e por drenta.

E tema di e aña aki ta “Briya den bo zapato y cana pa progreso”.

“Nos ta kere cu mas y mas hendenan muher mester briya mas. No den zapato solamente pero den e rol cu mester asumi den bida. E rol cu cada un di nos tin den bida, pa nos por briya den dje, pa nos por trece e briyo y si por ilumina e caminda di otronan tambe den e mesun caminda aki. Y cana pa progreso pasobra nos ta kere cu hunto nos mester bay dilanti pa progresa. Hende muher a logra hopi aki na Aruba y mundialmente tambe, pero ainda tin caminda pa cana y den esey nos kier traha hunto” e dignatario a expresa, reiterando pa reserva e fecha: dia 8 di Maart, di 8’or di mainta pa 1’or di atardi den Renaissance Convention Center.

 

- Advertisement -

DUNA COMENTARIO

Please enter your comment!
Please enter your name here