Home Gobierno Gobierno tin atencion riba continuidad di desaroyo economico den balans cu proteccion...

Gobierno tin atencion riba continuidad di desaroyo economico den balans cu proteccion di medio ambiente

108
0
SHARE
- Advertisement -

Minister Otmar Oduber

ORANJESTAD (AAN):  Diaberna awo ta recorda cu Wetlands mundialmente ta wordo reconoci como areanan cu mas tanto cu ta posibel mester wordo proteha. Wetlands ta forma parti di e parti integral di e infrastructura acuatico cu ta existi na cada Pais. Na momento cu a scoge di tin un ROP (Ruimtelijk Ontwikkelingsplan), a percura cu tin varios area reconoci como Wetlands.

Pa loke ta e desaroyo di proteccion di nos Wetlands, durante di e ultimo añanan a mira cu na diferente ocasion nan no a wordo respeta. Pa cual gruponan den nos comunidad a lanta varios biaha na defensa di esaki. Wetlands no ta solamente importante pa medio ambiente y salud di hende, Wetlands ta regula e infrastructura acuatico di un Pais.

Na momento cu mishi cu nan, transforma nan y/of construi riba Wetlands, ta cambia e structura natural di e forma con e Pais ta procesa awa. Den cuadro di e importancia aki, mundialmente e tema e aña aki ta enfoca riba e importancia di Wetlands pa desaroyo sostenibel di futuro poblacionnan.

Ta reconoce atencion mester wordo brinda na e hecho cu ta construyendo den areanan cu mester wordo respeta. Gobierno y Minister encarga cu Infrastructura y Medio Ambiente ta pone atencion na e aspecto aki y ta percura cu den e maneho cu ta hiba, ta papia di desaroyo economico cu tincu continua. Sinembargo esaki mester sosode na un forma sostenibel/balansa considerando e aspectonan ariba menciona.

Departamentonan DNM, DIP y DOW ta trahando duro pa evita e maltratonan cu ta tuma lugar cu nos Wetlands y ‘draai bek’ decisionnan cu a wordo tuma cu ta contra e ley di ROP cu ta e maneho cu ta delinea exactamente con tin cu trata cu Wetlands na Aruba.

 

- Advertisement -

DUNA COMENTARIO

Please enter your comment!
Please enter your name here