Home Social Heart-Centered Leadership Foundation buscando boluntario pa Aruba Doet

Heart-Centered Leadership Foundation buscando boluntario pa Aruba Doet

9
0
SHARE
- Advertisement -

ORANJESTAD (AAN): Heart-Centered Leadership Foundation ta uni un biaha mas na e evento di boluntario mas grandi di Aruba: Aruba Doet.

Riba diabierna 9 maart, Heart-Centered Leadership Foundation su proyecto ta pa traha un cashi pa nan oficina. E cashi aki lo tin uzo pa warda materialnan cu ta worde uza durante workshops, training y seminario cu e fundacion ta organiza y facilita pa hoben.

Heart-Centered Leadership Foundation ta en busca di ‘handymen’ y ‘handywomen’ cu experiencia den carpinteria pa yuda nos logra traha un cashi. Si bo ta interesa di sa mas of lo kier yuda Heart-Centered Leadership Foundation durante Aruba Doet, por tuma contacto cu nos na 584-1211 of 594-2520.

Heart-Centered Leadership Foundation tin como meta pa inspira, motiva y guia hobennan den nan desaroyo personal por medio di training, seminario y programanan interactivo cu ta promove liderazgo y desaroyo. E principio di Heart-Centered Leadership Foundation su meta ta cu si traha ‘di paden bin afo’, nos tur por realisa nos potencial y por enfrenta cualkier obstaculo of reto den nos caminda pero para firme den nos sapato.

- Advertisement -

DUNA COMENTARIO

Please enter your comment!
Please enter your name here