Home Comercio Hilton Aruba Caribbean Resort & Casino a tene lunch di agradecimento dia...

Hilton Aruba Caribbean Resort & Casino a tene lunch di agradecimento dia di San Valentino

15
0
SHARE
- Advertisement -

ORANJESTAD  (AAN):   E lunch elegante cu a wordo sirbi den Sunset Grille riba dia di San Valentino tabata un muestra di agradecimento organiza pa e departamentonan di Sales, Marketing, PR y Catering & Events.

E iniciativa aki a wordo ehecuta pa varios propiedad regional di Hilton y a wordo diseña pa fortalece e lazonan entre e hotel y lidernan local.

E encuentro a sirbi tambe pa e comunidad empresarial local sera conoci cu e Director of Sales Anthony Armas, Director of Catering & Conventions, Chela de Lannoy y Sales Coordinator Nicole Goddard.

“Nos ta stima nos clientenan”, asina e gerente general Hans-Georg Roehrbein a bisa, “y e lunch ta un gran oportunidad pa gradici boso pa boso lealtad y pa bisa boso con hopi nos ta balora boso como cliente.”

E brigada culinario a prepara un menu suculento na honor di e dia aki, cuminsando cu e restaurant su salada mas conoci cu ta e Martini Chopped Salad, sigui pa e plato principal di Land & Sea, cu a encera un lomito y sea bass acompaña pa un salada di venkel, saus di biña cora, funchi y Portabella mushrooms.

E dessert special di San Valentino pa e ocasion aki a conta cu e pastry chef su picture-perfect macaroon, bolo di chuculati, cream cannoli y mini custard tart.

Senior Sales Executive Lily Polsbroek den nomber di gerencia a duna un caluroso bon bini na e invitadonan y a introduci e otro ehecutivonan di e hotel pa asina por saludanan y socializa cu nan. Wedding & Event Specialist Lisa Dammerman, Banquet & Catering coordinator Raynold Semeleer, PR & Marketing Manager Nunette Maduro, Executive Chef Matt Boland, Banquet & Catering coordinator Marvinia Richardson y Senior Sales Manager Diego Garcia.

Durante e lunch a tuma lugar un rifa cu varios cadeaubon como premio y tambe tabata tin e oportunidad pa conoce e personanan cu ta zorg pa tur cos cana nechi na e hotel.

 

- Advertisement -

DUNA COMENTARIO

Please enter your comment!
Please enter your name here