Home Parlamento Hopi hende no ta conciente di e riesgonan ora di core auto...

Hopi hende no ta conciente di e riesgonan ora di core auto bao influencia di alcohol

8
0
SHARE
- Advertisement -

Parlamentario Sue Ann Ras:

ORANJESTAD (AAN) – Parlamentario sra. Sue Ann Ras, a toca e tema di e dianan festivo cu ta tras di lomba indicando cu despues di e fin di siman tras di lomba semper tin diferente resultado, no precisamente positivo.

El a referi na personanan cu ta uza e celebracion di carnaval pa haci abuso di consumo di bebidanan alcoholico. Esaki ta biniendo hopi dilanti, e dama a señala, y a expresa cu hopi biaha “nos gusta wak otro hende pero no ta wak nos mes”.

Lesando e noticianan di Cuerpo Policial, nan a publica cu den Juver morning tabata tin 13 detencion, y loke mas a alarme ta cu seis di e detencionnan tabata di hende bao influencia di alcohol. Aki el a recorda e caso di e mucha muher Zinia.

E dama parlamentario a señala ora cu hendenan ta cuestiona cierto actitudanan, por mira den e privacidad di rapportnan di Cuerpo Policial, cu hopi biaha no ta indica cien porciento kico ta pasando, y esey a sosode den hechonan concreto. Por ehemplo, den e caso di Zinia.

El a subraya cu si ta purba di concientiza nos hendenan, si ta purbando di cambia nan actitud y mentalidad tocante e riesgonan cu hende ta core na momento di stuur auto ta bao influencia di alcohol, mester sigui un campaña hopi mas intenso y mare cu cierto medidanan.

E ta haya cu seis persona bao influencia di alcohol den e actividad menciona, ta hopi. Esaki ta hendenan cu por a fayece of causa morto na inocentenan.

Esaki ta un problema cu mester wordo resolvi pa no ripiti loke ta pasando constantemente. El a subraya cu e mesun dia ey pero mainta un automobilista a atropeya un persona cu tabata core na Savaneta, aunke e no sa kico ta e causa, por wak e consecuencianan cu tin ora di core auto bao influencia di alcohol.

“Nos tur ta convivi, e comunidad ta keda den shock, ta preocupa, ta vocifera nan preocupacionnan y ta bin cu tur sorto di cos, pero na momento cu mester actua, haci consenshi y bin cu cierto cambionan den nan actitud, nos ta mira cu esaki no ta bayendo manera mester bay”, Parlamentario Sue Ann Ras a subraya.

 

- Advertisement -

DUNA COMENTARIO

Please enter your comment!
Please enter your name here