Home Parlamento Hopi negligencia di mucha observa durante fin di simannan di carnaval

Hopi negligencia di mucha observa durante fin di simannan di carnaval

14
0
SHARE
- Advertisement -

Parlamentario Sue Ann Ras ta cuestiona:

ORANJESTAD (AAN) – Parlamentario sra. Sue Ann Ras, a recorda den conferencia di prensa di fraccion di MEP, con den e caso di e dos muchanan homber cu a muri na un forma cruel, na e momento mes comunidad a cuestiona y a sufri e dolor di e sucedido, a convivi, pero poco luna despues por a ripara con e mesun comunidad cu a vocifera, ta neglisha mucha durante carnaval.

E dama parlamentario a subraya cu den fin di siman a haci un observacion fuerte tocante e aspecto aki.

Algo cu ta gewoon inaceptable. “E inocentenan aki a muri recientemente, anto nos mes aworaki ta haciendo abuso y negligencia di nos muchanan”, e Parlamentario a subraya.

El a menciona un entrevista di e vocero Liliana Rasmijn den television, den cual e funcionario a bisa cu e mes a wak varios mayor cu baby y muchanan di dos of tres aña, den carnaval.

E ta puntra: “Di con nos ta e promenan pa bay huzga, despues cu nos tur ta convivi un rato, ta rabia y bisa cu mester bin cu strafe pero un par di luna despues, wak kico ta sosode”.

E ta señala cu hopi mayor ta abusa y neglisha nan propio yiunan chikito anto e ora ey mester wak bon kico nos ta haci. El a subraya cu cada ken tin cu tuma consenshi y responsabiliza pa nan yiunan, y no bay vocifera un momento so di dolor pero pone den accion tur locual cu nos ta papia y convivi. “E ora ey nos ta haciendo algo bon pasobra nos muchanan no sa miho” Parlamentario Sue Ann Ras a subraya.

Parlamentario Ras tambe a mustra preocupa pa motibo cu a detene 8 menor di edad (13-15 aña) durante e parada di luz, y di e total di 17 detencion cu tabata tin, 11 hoben ta menor di 20 aña.

Refiriendo na carnaval di mucha, Parlamentario Ras a subraya cu esaki mester tin henter un otro contexto. Tabata tin 20 detencion di cual esun mas jong tin 15 aña.

“Esey kiermen cu nan problemanan social a cuminza prome. Problemanan social ta cuminza na cas pero, ta tuma un comunidad pa lanta un mucha. E no ta trabao di Cuerpo Policial ni di Gobierno so, pero e ta tambe problema di mayornan y nan tin cu asumi nan responsabilidad, pa e ora ey por tin un trabao cooperativo y colaborativo entre mayor, KPA, Instancianan concerni y gobierno”, e dama parlamentario a subraya.

- Advertisement -

DUNA COMENTARIO

Please enter your comment!
Please enter your name here