Home Hudicial Hues a nenga di laga sospechoso haya cu arma di candela liber

Hues a nenga di laga sospechoso haya cu arma di candela liber

75
0
SHARE
????????????????????????????????????
- Advertisement -

E caso a keda posponi

ORANJESTAD (AAN) – E homber A.T. su abogado mr. Zara a pidi Hues pa laga e sospechoso liber pendiente di resultado di e investigacion na Instituto Forence na Hulanda, pero Hues a rechaza esaki. Hues ta haya cu tin motibo di peso. A.T. actualmente ta sera pa arma di candela y droga.

E acusacion cu Fiscal a presenta contra A.T. ta cu 28 October 2017, e tabatin un cantidad di marihuana cun’e y tambe un arma di candela cu balanan.

CASO POSPONI

E caso tabata pro forma o sea cu no tabata poni pa tratamento. Fiscal a splica Hues cu e motibo cu a caso ta pro forma ta door di A.T. mes kende den promer instante a nenga di duna muestra di DNA pa asina por laga haci investigacion na Instituto Forence na Hulanda (NFI). Fiscal a propone pa dia 20 April 2018 pa trata e caso 10’or di mainta.

Ta asina cu A.T. a manda un carta pa Hues. Hues a bisa A.T. cu e por bisa kico e contenido di e carta ta. Abogado mr. Zara a bisa Hues cu no tin motibo pa A.T. keda sera pendiente di e caso. No tin interes di investigacion mas.

SOSPECHOSO SERA SEPARA

A.T. a bisa Hues cu e ta sera den KIA full separa su so. Hues a puntra di con. Segun A.T., nan a bise cu tin problema ey den. Hues a puntra Fiscal si e sa di esaki. Fiscal a bisa cu e no ta na altura di e situacion aki.

Pa cu e peticion di abogado mr. Zara, Fiscal a remarca cu e carchi di castigo di A.T. ta yen di casonan serio. Na 2010 caba el a wordo condena pa posecion di arma y awor Fiscal ta considera A.T. un residivista y por spera cu castigo lo bay ta mas. Fiscal a bisa Hues cu e no ta kere cu mester laga A.T. liber. E interes di e caso ta mas importante cu e interes di A.T.

Hues a bisa cu e ta pospone e caso pa dia 20 April 2018. Hues ta haya cu tin motibo di peso cu A.T. mester keda sera. E ta lamenta e situacion cu A.T. ta pasando aden den KIA. Esey ta nifica cu A.T. ta keda sera te dia 20 April 2018 ora cu e mester bolbe presenta den Corte pa tratamento di e caso.

 

- Advertisement -

DUNA COMENTARIO

Please enter your comment!
Please enter your name here