Home arte y espectaculo Jeon a haya RIAA Platinum Certification pa cancion ‘Machika’

Jeon a haya RIAA Platinum Certification pa cancion ‘Machika’

352
0
SHARE
- Advertisement -

ORANJESTAD (AAN): E siman aki, e popular cancion nobo di J Balvin hunto cu Jeon di Aruba y Anitta di Brasil, ta na posicion #7 di e lista di Top 50 Billboard su Latin Airplay.

Un logro bunita cu un artista di Colombia, di Aruba, y di Brasil a logra cu den un tempo record, miyones di hende rond mundo a scucha Machika, y ta scucha e palabranan “Aruba, Curacao y Bonaire” wordo resona.

Y e siman aki, e tres artistanan a wordo sorprendi pa Universal Music Latin Entertainment, cu entrega di un plaquette, pa conmemora e RIAA Platinum Certification di mas di 60.000 copia di e cancion, “Machika”.  RIAA ta Recording Industry Association of America.

Jeon di Aruba, ta hunto cu J Balvin y Anitta na Miami e dianan aki, cu press-junket e dianan aki relaciona cu e hecho cu awe Diahuebs nan lo ta presentando den Premio Lo Nuestro.

Tanto Jeon, J Balvin, y Anitta a keda sumamente contento cu e certificacion aki.  Y DIARIO a compronde cu e ta completamente prepara pa e evento di Premio Lo Nuestro di awenochi.  Na Aruba, por mira esaki pa 9:00 pm via di Univision, cu lo pasa na canal 24 di CableTV.

- Advertisement -

DUNA COMENTARIO

Please enter your comment!
Please enter your name here