Home Tempo Lama lo ta bruto awe mainta, segun alerta

Lama lo ta bruto awe mainta, segun alerta

191
0
SHARE
- Advertisement -

ORANJESTAD (AAN): Un boletin emiti pa Departamento Meteorologico di Aruba, a mustra cu tin un alerta pa lama bruto awe.

E alerta pa boto chikito, biento duro, y lama bruto ta drenta na vigor awe pa 6 or mainta, te cu proximo aviso.

Pa awe, humedad persistente den atmosfera regional ta pone cu tin biaha mas nubia lo pasa riba Aruba.  Principalmente den oranan di madruga y mainta, por spera e ora ey un awacero pasahero.

Olanan di Lama lo ta for di direccion Oost-Noordoost cu haltura di 5 te 8 pia.  E olanan mas halto lo ta na costa panort te noordwest di Aruba, unda ola por yega te 9 y 10 pia den labaderanan modera cu ta bin for di Oost-Noordoost.

Pesey ta pidi ocupantenan di boto chikito y usadornan di facilidadnan di lama pa tene esaki na cuenta, y procede cu cautela, specialmente riba lama grandi.

Pronostico di tempo pa sobra di fin di siman, ta mustra cu cielo ta leve- te parcialmente nubla cu un awacero pasahero.  Biento lo ta for di principalmente Pariba y modera te basta fuerte.  Den dia e lo ta fuerte te hopi duro den rafaga.

- Advertisement -

DUNA COMENTARIO

Please enter your comment!
Please enter your name here