Home Economia LVV hunto cu otro instancianan cu proyecto piloto pa salvaguardia nos damnan

LVV hunto cu otro instancianan cu proyecto piloto pa salvaguardia nos damnan

8
0
SHARE
- Advertisement -

Director sra. Maduro ta splica:

ORANJESTAD (AAN) – Departamento di Agricultura, Cria y Pesca (LVV of Santa Rosa) tin un grupo di trabao, hunto cu Directie Natuur en Milieu y Gezondheidsdienst, pa nan tuma un dam como proyecto piloto. Sra. Nathaly Maduro, directora di LVV ta amplia den entrevista cu nos redaccion.

“Nos ta bezig pa wak pa tuma un dam, como e ‘pilot’. Nos ta bezig ta brainstorm con pa trata e parti fiscal tambe. Pa ley no por cera un dam, ya cu e ta un servicio publico y damnan a wordo construi pa yuda agricultura y cria. Awendia damnan no ta wordo respeta”, Sra. Maduro a comenta.

Sra. Maduro a enfatiza cu e ta cansa di pidi tur hende pa mantene e dam limpi. Pa por fabor, no tira sushi, pasobra e ta un riesgo pa contamina e awa.

“Lo mester studia un otro factor, ya cu e fauna di Aruba ta haci uso di dje, nan ta bebe awa, y lo kier mantene virgen unda cu Santa Rosa tampoco ta haci uso di esakinan y no la bay saca awa. Ta importante aworaki cu WEB ta dispuesto pa yuda Santa Rosa y tambe nan ta sperando ainda cu nan lo por yega un dia y haya e awa di planta di Parkietenbos, pa asina nan tin mas awa disponibel y laga e awa di dam como un tipo di reserva di awa pa Aruba.

Door cu ley no ta permiti bay haci uso di dam, asina ta e caso di e dam di Hooiberg, unda cu Santa Rosa lo a haya e cooperacion di polis tambe, y nan a cera e dam pero hende tabata sigui saca awa di eynan, pero zomaar e argumentacion mester ta uno hopi fuerte, y mester reuni cu DIP pa wak di nan parti, tambe con lo por den conhunto cu Santa Rosa pa traha un maneho, caminda cu nan lo por cuminsa cera cierto damnan” sra. Maduro a subraya.

Esaki ta den nan lista di prioridad, ya cu nan kier no solamente proteha e damnan di tiramento di sushi, sino tambe tene cuenta cu e ta hopi importante pa medio ambiente, y cu lo kier tene mayoria di nos posnan na Aruba den bon estado. A ripara tambe cu si e damnan seca e ora ey pos tambe lo seca, y lo mester keda traha pa proteha nan.

“Minister di Agricultura e ta na haltura di tur e retonan aki cu LVV tin su dilanti, y aworaki tin hopi cos cu nan ta bezig ta poni riba papel pa e Minister por tin un bista di kico ta e diferente paso cu por bay tuma, den diferente ramo” Sra. Nathaly Maduro director di Santa Rosa a conclui.

- Advertisement -

DUNA COMENTARIO

Please enter your comment!
Please enter your name here