Home General LVV ta haciendo cierto testnan encuanto “salinity”

LVV ta haciendo cierto testnan encuanto “salinity”

19
0
SHARE
- Advertisement -

Director Nathaly Maduro:

ORANJESTAD (AAN) – “WEB tin un laboratorio cu ta hopi bon, y actualmente L.V.V ta haciendo cierto testnan, pa loke ta salinity”.  Asina aki sra. Nathaly Maduro, Director di Departamento di Agricultura, Cria y Pesca (LVV- Santa Rosa) a splica.

Landslaboratorio ta yudando LVV pa haci e testnan di bacteria, pero cu un partner manera WEB, cu por haci testnan mas avanza, pa loke ta nan awa mes, Santa Rosa lo por garantiza cu e ta di bon calidad encuanto e uso den sector di agricultura y cria.

Pa loke ta trata documentacion, departamento di Agricultura, Cria y Pesca, ta bezig preparando un documentacion solicita pa minister Chris Romero, cual lo mester keda cla na luna di Maart unda cu nan ta trahando cu cierto informacion ainda. Despues lo wordo presenta kico lo ta e diferente stepnan cu Santa Rosa lo bay tuma y e strategia cu mester wordo implementa.

Santa Rosa ta buscando, actualmente, un bon opcion den e parti logistico pa por traha riba e awa, cu no lo bay cay hopi pisa economicamente den e parti financiero ni pa departamento di agricultura, pero tampoco pa gobierno.

E tin cu bira un facilidad cu ta yuda, djis haya algun facilidad pa por traha den miho manera y tin tambe algun stakeholder cu kier contribui na e causa aki. E awa cu nan ta uza pa e backwash, manera cu nan ta yame, eigenlijk ta un awa limpi. Pero ora cu haci cierto testnan cun’e, despues di un proceso, e no ta awa limpi mas y WEB ta mantene su calidad hopi halto.

Pero pa loke ta e parti di agricultura, e ta un awa cu ta bon pa uza. Nan lo haci cierto testnan cu e awa ey, djis pa duna garantia extra cu e awa no tin ni un tipo di salo, ni nada di esey, segun Sra. Nathaly Maduro, directora di Santa Rosa.

 

 

 

- Advertisement -

DUNA COMENTARIO

Please enter your comment!
Please enter your name here