Home Enseñanza Maestronan a ricibi curso tocante derecho di mucha

Maestronan a ricibi curso tocante derecho di mucha

6
0
SHARE
- Advertisement -

ORANJESTAD (AAN): Riba diasabra 18 di februari, Fundacion Telefon pa Hubentud Aruba conhunto cu Unicef Hulanda a organiza un curso tocante derecho di Mucha.

Durante e dia aki maestronan a siña tocante e inicio di e tratado internacional di derecho di mucha, e motibo di existencia di derecho di mucha, tocante articulonan cu ta trata derecho di mucha y con pa siña e muchanan tocante nan derechonan.

E maestronan cu a participa na e curso ta maestronan di klas 4,5 y 6 di Colegio Santa Famia, Colegio Santa Filomena, Mon Plaisir Basischool, Prinses Amalia Basisschool y Puis X School. E schoolnan aki ta participando na e proyecto ‘Unicef Kinderrechten Filmfestival’ cu ta ser coordina pa Fundacion Telefon pa Hubentud Aruba.

Durante ‘Unicef Kinderrechten Filmfestival’ e muchanan lo siña primeramente tocante nan derechonan. Despues nan lo traha un pintura tocante e derecho cu mas nan ta gusta, of cu nan ta haya interesante of cu nan tin mas pregunta riba dje. Despues cu nan caba traha un pintura, lo saca un pintura ganador di cada school. Hunto cu un ‘filmcoach’ e muchanan di e klas ganador di cada school lo traha un pelicula. Durante un anochi di ‘première’ lo saca entre e 5 klasnan di e 5 schoolnan participando un ganador.

E klas/school ganador lo representa Aruba na e ‘Unicef Kinderrechten Filmfestival’ regional na Curacao durante e ‘Curacao International Filmfestival Rotterdam’. Eynan nan lo competi cu e alumnonan di schoolnan di Curacao, St. Maarten, Bonaire, Saba y Sint Eustatius. E pelicula di e pais cu gana lo representa Caribe durante e ‘International Film Festival Rotterdam’ 2018.

Un gradicimento ta bay na Mechtild Thodé, Melody Liefhebber, Thérèse Balootje y Tamara Salsbach cu a duna e curso. Tambe un gradicimento ta bay na Universidad di Aruba pa pone e localidad disponibel.

- Advertisement -

DUNA COMENTARIO

Please enter your comment!
Please enter your name here