Home Enseñanza Maestronan preocupa cu nan posicion huridico relaciona cu plan di privatizacion di...

Maestronan preocupa cu nan posicion huridico relaciona cu plan di privatizacion di scolnan publico

89
0
SHARE
- Advertisement -

Reunion na SIMAR

ORANJESTAD   (AAN):   Diamars anochi, Sindicato SIMAR a tene un reunion cu su miembronan, tocante e plan pa privatisacion di scolnan publico. Sra. Sheila Lazo – Tromp, lider di e sindicato ta splica con e reunion a bay.

En principio, e no tabata un reunion caminda cu minister lo  tabata di ta presente, pero mirando cu a bin mas informacion dilanti, unda cu Sr. Weekmans tambe por a duna mas contesta ariba e preguntanan, a dicidi cu toch lo ta bon pa e minister t’ey presente pa contesta pregunta di e miembronan y tambe nan inkietudnan.

Esey toch tabata un bon tactica, segun Sra. Lazo- Tromp, pa motibo cu di SIMAR mes, cu si bin preocupacion y preguntanan dilanti, pa nan bay na minister y bolbe bin bek, lo por tarda un poco. E forma aki e miembronan por a haya contesta. Kisas, no por bisa, satisfactorio, pero si nan por a haya contesta riba nan pregunta y preocupacionnan cu nan tabata tin.

Un punto cu sigur e maestronan tabata preocupa cun’e, ta nan posicion huridico y maestronan a compronde cu en principio nan ta ambtenaar. Pa nan, como trahado di scolnan publico, otro leynan ta conta contra esunnan cu ta traha na un Stichting.

Durante e reunion nan por a compronde cu en principio, esey no ta e caso. Nan tabata pensa cu nan lo bay perde nan status, drentando un Stichting of e Stichting cu ta cay 100% bek bao di Gobierno. En principio a splica e ora esakinan y a mustra cu en principio un maestro cu ta traha pa un scol publico, bo tin un MB y bo no tin un LB compara cu un ambtenaar, cu ta traha na un otro departamento di Gobierno.

Sra. Lazo Tromp a sigui bisa, cu un otro punto cu nan tabata tin miedo riba dje ta, tabata e procedura di retiro, dus con ta kita un hende for di trabao. Den concepto di e miembronan, e ta mas facil pa wordo kita na un stichting, compara awor aki cu nan ta bao di Gobierno, cual tambe a demostra cu e stichtingnan tambe tin cu cana e mesun procedura.

En principio e trahadonan ta igual. Esey lo keda mesun cos. Si nan a trece un punto dilanti, cu e trahado di un stichting ta igual na e docente-ambtenaar. Pero si no ta bay existi e docente-ambtenaar mas, e ora na kico e docente cu ta traha na un stichting, ta igual na dje. Eynan tambe nan a bisa cu ta un punto cu a keda para riba dje y sigur lo bay tin den e statuto, e punto aki padilanti unda cu lo pone e docente cu ta pone den e stichting, inclusive awo, e stichting di scolnan publico, unda cu bo ta haci nan status igual e ora (gelijk stellen) toch e ora, cu nan por sigui disfruta di cierto beneficio como ambtenaar.
E presentacion duna, a duna un miho bista con esaki por ta hinca den otro y sigur pa e docente y miembronan, unda cu a cambia e concepto cu nan tabata tin cu trahando pa un scol publico, directamente ta un ambtenaar.

Si mira bon, Aruba ta e unico pais cu no a tuma e stap aki ainda den reino. Por bisa cu riba diferente tereno nos ta un tiki atras como pais. Tin biaha tin decisionnan cu no por tuma pasobra politica ta keda hunga un rol importante. SIMAR no tin un punto di bista riba esaki ainda, door cu ainda e docentenan di scolnan publico, mester adheri e informacion cu nan tin. A bisa nan tambe cu lo bin bek cerca nan. Lo bay tin dialogo unda cu lo bay sinta, unda cu nan kier mira e concepto di e statuto pa mira tambe e ora cua banda na lo bay of con por bay deal cu esaki.

Por ultimo, Sra. Sheila Lazo- Tromp, di sindicato SIMAR a bisa cu si e minister ta realisa cu den 10 luna di tempo mas of menos mester ehecuta esaki pa drenta na vigor hunto cu e functiehuis. Ta algo cu nan mes a bisa cu si yega asina leu cu esaki lo bay ta e paso cu Aruba lo bay tuma, cu lo bay haci tur posibel pa traha den e cuadro aki. E ora e diferente partnernan lo mester por yuda pa haci esaki posibel tambe.

 

- Advertisement -

DUNA COMENTARIO

Please enter your comment!
Please enter your name here