Home Comentario Mal hecho ta loke coachnan di Little League a haci na Savaneta...

Mal hecho ta loke coachnan di Little League a haci na Savaneta Ballpark

24
0
SHARE
- Advertisement -

Remitido

Ta un berguenza pa Bo weita con coachnan di Hurricanes di Little League ta kibra drenta y ta subi tereno, cu poco criaturanan inocente, unda cu mi mester a yama polis pa baha nan for di ariba e veld, pasobra un otro team tabata ariba e veld ta train e momento ey.

Ta ki sorto di dirigentenan Hurricanes tin cu ta duna un mal ehempel asina na e criaturanan, si un bala a dal un di e muchanan den nan cabez, ta kende a carga e consecuencia di e bala ey.  E coachnan di  Hurricanes a bin solamente pa busca problema cu mi persona.

Savaneta Ball Park tabata un veld cu nan a keur af, danki na Valero Ramon Lee y Endy Croes  di lotto pa deporte y Ottis cu a yuda na drecha e veld tanto den tribuna, bañonan y cushina y a cumpra waya y tubonan pa sera e veld, pa awe nos tin un veld cu Savaneta por ta orguyoso di dje.

Nos a inverti 80.000 mil Florin den e Veld.  Mi ta lamenta cu awe Sr Robert Macares, e coach mayor cu ta dirigi Hurricanes ta papia cosnan cu no ta cuadra cu berdad y ta manda su coachnan, pa bin kraak e veld y train ariba e veld sin ningun permiso di  esnan cu ta maneha Savaneta Baseball Park.

Pa 6 aña  Robert Macares a huur e veld, ta Sr Robert Macares a pone prijs pa e huur e veld no ta ami. Su prijs tabata 1.000 Florin pa luna, debi cu ta cu muchanan chikito, mi a dune 200 Florin di rebaho  pa e cubri mantenshon di e veld.   Tambe cu ora tin vacantie luna di july y luna di December Robert Macares no mester a paga huur.

Sr Robert Macares tabata paga Fls 800.00 Florin pa luna. Despues 400   Florin pa luna. Asina mes e no  tabata cumpli cu su pagonan.

Sr Robert Macares a haya e veld completo pa su so unda cu e por uza e veld pa haci actividadnan pa cubri tur gastonan di  Hurricanes. Sr Robert Macares tabata cobra e muchanan 35 Florin Florin pa luna despues e a bahe pa 25 Florin pa luna.

Constantemente e tawatin  problema cu su coachnan y esnan cu ta yude. Tur luna mi mester  core tras  Sr Robert Macares pasobra e no ta gusta paga ni awa ni coriente y huur, pero si tabata paga pa trece  coachnan di Venezuela pa train e muchanan. Pa stranheronan sin permiso tabatin placa pa paga nan salario, cuminda y apartamento pa nan biba, anto e Arubiano e kier pa nan yude “por nada”.

E Arubiano ta pa yuda Robert pa e gana plaka, pero e stranhero Robert tin placa pa pag’e tur luna nan gastonan y lugar pa e biba.

Cu ayudo di Savaneta Ball Park, awe Macares tin dos Ritz y ta na caminda pa su di tres Ritz na Aruba cu lo bin na Paradera.

Un coach mester ta generoso y bon curazon, pero  no un sinberguenza, sin respet y sin etica.

E veld di Savaneta Ball Park tin su  dirigentenan cu ta mantene y mi persona ta su  Beheerder. Pa esnan cu kier uza e veld,  mester tin permiso di su Beheerder  pa entrena ariba e veld. Sin su permiso, Bo no mag di  subi e veld. Cu cooperashon nos ta hiba Aruba padilanti.

 

Hiacintha Thijsen Trimon.

Savaneta 210-A.

Tel 584-7280.

- Advertisement -

DUNA COMENTARIO

Please enter your comment!
Please enter your name here