Home Social Marriott Aruba a celebra cu 4 empleado cu a alcansa “100 way...

Marriott Aruba a celebra cu 4 empleado cu a alcansa “100 way to Go”

27
0
SHARE
- Advertisement -

Despues di bon comentario di huespednan

ORANJESTAD (AAN):: Marriott’s Aruba Surf Club y Marriott’s Aruba Ocean Club a organiza un evento pa celebra e premio “Way to Go”, reconociendo empleadonan cu a logra 100 mencion di nan nomber cu resultado positivo den encuestanan di satisfaccion di estadia comentario positivo di propietarionan of huespednan di e hotel.

Pa un empleado por a yega 100, e doño di un time share mester a yena un encuesta na final di su estadia y elogia e empleadonan uzando su nomber cu a ofrece un servicio excepcional. E empleadonan cu a yega 100 mencion di nan nomber ta Helen Bonsink-Gomez, Julio Peña Ibarra, Benito Layos y Joseph Alcindor.

Gerente General di Aruba Surf Club, Joop Bangma, a enfatisa cu nan ta traha duro pa sobrepasa expectativa di e doñonan di cambernan “time share”, cu ta bin nos isla aña tras aña atrobe. E doñonan di e time share ta menciona nomber di e empleadonan di Aruba Surf Club den nan encuesta cu ta yena despues di nan estadia, unda ta specifica con e trato tabata. “Esey ta nifica cu nos tin un base fuerte di empleadonan na Aruba Surf Club”, asina Joop Bangma a expresa.

General Manager di Ocean Club, Erwin Noguera, a expresa cu nan a celebra cu e empleadonan cu ta haci estadia di huespednan memorabel. E bishitantenan ta keda na e hotel pa 1 siman of 2 siman y na momento cu nan regresa, nan ta haya un e-mail di encuesta, puntrando con e estadia a bay, riba e calidad di camber, e servicio y ta puntra particularmente cu si tin un empleado of empleadonan cu a haci nan estadia un experencia agradabel y memorabel. Na e seccion aki nan ta menciona e nomber di empleadonan.

Benito Layos ta traha den e parti di recreaccion y banda di pool y beach na Aruba Surf Club y Ocean Club. E ta pendiente di e huespednan, e ta acerca nan pa puntra si nan mester di algo y ta percura p’esaki.

Helen Bonsink-Gomez ta waitress y e ta un di e empleadonan cu a yega 100. E ta aprecia e reconocimento aki. E semper ta purba p’e bishitante bay contento y regresa. E ta stimula tur empleado pa sigui duna di nan parti pa bay dilanti y semper satisface e bishitantenan.

Bellman Joseph Alcindor ta contento cu e trabaonan cu e y su team ta haci p’e bishitantenan. Esunnan cu ta VIP ta bin cada bes y ta reconoce nan y ta yama nan na nan fam y e bishitantenan gusta esey.

Julio Peña Ibarra di e ekipo di “Recreation”  tabata contento cu e reconocemento. El a expresa cu ora un hende ta disfruta di su trabao, e huespednan ta mira esaki. Sea ta un smile of un bon bini. E ta conseha su coleganan pa disfruta di nan trabao pasobra esey ta loke turistanan ta ripara.

Marriott Aruba Surf Club y Ocean Club a celebra cu e empleadonan, cu a logra acumula “100 Way to Go” riba e encuestanan cu huespednan ta completa, hunto cu nan famia y coleganan, unda tur a bini hunto na Champions Restaurant pa e celebracion aki. Ora e empleado logra acumula 200 “Way to Go”, e lo bay Orlando, Florida, Merca, unda e lo ricibi e reconocemento  pa su logro.

- Advertisement -

DUNA COMENTARIO

Please enter your comment!
Please enter your name here