Home General Mas instancia oficial ta stipula cu Edificio di Directie Luchtvaart a wordo...

Mas instancia oficial ta stipula cu Edificio di Directie Luchtvaart a wordo “afgekeurd”

108
0
SHARE
- Advertisement -

Apesar di rapportnan di alerta, nada a worde haci:

ORANJESTAD (AAN) – Ta secreto publico cu den e transcurso di añanan algun edificio di gobierno a worde keur af pa instancianan concerni, y cu a tarda pa gobierno busca un lugar pa aloha e departamentonan y, mientras tanto, e trahadornan tabata core diferente tipo di riesgo, incluyendo nan salud.

Pues, aparentemente esey ta e situacion actual di “Directie Luchtvaart” na unda segun fuente fidedigno pero hopi confiable, a duna di conoce na nos redaccion, indicando cu tin rapport di alerta a worde entrega pero nada ta sosode pa soluciona e problema, te ainda.

T’asina cu dia 9 di Februari a presenta un rapport di cual e director di aviacion civil tin conocemento di dje unda a dune algun siman pa busca un solucion, pero esaki no a sosode y ayera, 20 di Februari, un “copia duro” a worde manda pa gobierno y pa e director mes.

Pa colmo, DIARIO a haya sa cu esaki ta e di tercer “afkeuring”.  E edificio a worde keur af pa Departamento di Cuerpo di Bombero, tambe Departamento di Dienst Technische Inspectie (DTI), y tambe tin indicacion cu SVb a bay haci inspeccion y tambe a keur’e af.

Mientras no ta busca solucion e trahadornan ta birando mas y mas malo. Algun di nan ta AO caba, sea nan ta haya rash na curpa, wowo cora cu ta saca awa, herida na cabes, entre otro sorto di malestar fisico.

Ban wak kico ta bay sosode y ki dia e informacion aki ta bira tema di gobierno mes pa worde trata publicamente, y haya sa cuanto edificio mas ta den asina mal condicion, y con y na unda lo reubica Directie Luchtvaart prome cu un situacion alarmante trece consecuencianan mas serio cu lamenta!

- Advertisement -

DUNA COMENTARIO

Please enter your comment!
Please enter your name here