Home General Mester atende cu San Nicolas for di su raiz

Mester atende cu San Nicolas for di su raiz

39
0
SHARE
- Advertisement -

Terry Gumbs:

ORANJESTAD  (AAN): Señora Terry Gumbs ta un di e personanan cu ta bay ta na cabez di e oficina di Gobierno cu a habri oficialmente Diahuebs mainta na San Nicolas, unda cu lo atende entre otro cu e asuntonan social di habitantenan di San Nicolas y yuda esnan cu kier traha y mester un trabao haya esaki.

Durante e ceremonia di apertura señora Gumbs a splica esaki ta un soño cu a bira realidad.

“Mi a traha un proyecto pa e edificio, unda cu a pensa hopi riba con lo hasi esaki pa Gabinete Wever Croes I por ta orguyoso di e edificio aki”.

Esaki segun señora Gumbs, kende a bisa cu e proyecto di e edificio yama ‘Sociale Aktie, het willen en kunnen mogelijk maken’.

Durante su discurso, el a indica cu durante e añanan cu a pasa e problemanan social na Aruba y en especial na San Nicolas a aumenta.

Mayoria di e habitantenan di San Nicolas ta biba cu menos di locual e Arubiano average ta biba cune.

Tin hopi hende cu a ‘drop out’ di school, a perde trabao, of tin onderstand.

Segun Gumbs, banda di algun inversion chikito hasi pa e Gobierno anterior,  nada mucho a wordo hasi sigur no riba area social.

“Cu e ciere di e refineria, desempleo a crece y esaki a bin cu su consecuencianan”.

“San Nicolas ta e parti lubida di nos isla y esaki a keda asina, door cu e habitantenan di San Nicolas diariamente mester purba sobrevivi cu tur tipo di problema”.

“Tin hende cu no tin placa of tempo pa bay te playa pa ricibi cuido social y esey ta un problema”, segun Gumbs, kende a sigui bisa cu e habitantenan di un bario neglisha, ta bay custumbra nan mes na e hecho cu nan ta wordo neglisha.

Pesey mas posibilidad mester wordo crea pa nan y segun Gumbs e meta di e proyecto aki ta simpel, esta atende cu San Nicolas for di su raiz.

- Advertisement -

DUNA COMENTARIO

Please enter your comment!
Please enter your name here