Home Enseñanza Mester stop cu sensacionalismo y duna Filomena College un mal imagen

Mester stop cu sensacionalismo y duna Filomena College un mal imagen

11
0
SHARE
- Advertisement -

ORANJESTAD (AAN): Na momento cu Raquel Lampe, directora suplente di Filomena College MAVO, a worde avisa cu cierto informacionnan a bay riba social media, cu expresionnan contra di e school y e cabesante, sr. Herbert Goedgedrag, ta eroneo.

Ta trata aki di un situacion caminda cu supuestamente ta worde bisa cu maltrato di bestia ta tuma luga riba tereno di school y cu comentarionan no menos bunita a worde haci den direccion di e school y su cabesante.

Señora Lampe a sigui splica cu ta importante pa busca informacion corecto prome cu saca esaki. Riba e tereno di school, segun e cabesante Herbert Goedgedrag a menciona den un entrevista anterior, un siman pasa un Rottweiler y un cacho crioyo yena cu sarna y sanger, a cana kibra riba e tereno di school y a haci doño di e gang. E Rottweiler ta uno brabo y e muchanan tabata haya problema cu esaki, mirando cu esaki ta ataca tanto docente como e muchanan mes.

Pa esaki, a cuminsa busca solucion cerca polis, como tambe instancianan concerni, pero no a haya e yudansa manera spera.

Raquel Lampe mes a confirma na DIARIO, cu e Rottweiler a atak’e.

Esey mes ta hopi fastioso y por imagina con e muchanan tambe ta sinti nan mes. Tarea principal di e school ta pa tene e muchanan safe. Y na momento cu ta bati na porta y no ta haya yudansa, purbando tur manera pa haya solucionnan agradabel, ta momento pa e personanan cu tin e barbaridadnan cu tin riba social media, pa sea rectifica of kita esakinan, pasobra no ta bunita. Sensacionalismo ta algo grandi.

Pero pa laga tipo di comentarionan aki bay rond, no ta agradabel.

E otro cacho cu sarna, berdad el a bay for di e school. E tabata tin e gang tur na sanger. Sa cu sarna ta algo cu ta un malesa di cuero cu por pega na hende. Pa proteha e alumnonan tambe, a busca un solucion. Ta spera cu e situacion aki ta cla y entendible pa tur hende.

E ultimo cacho cu tin awor aki riba tereno, ta den un di e haulanan di Crijojo Trappers, cu e idea pa aloca nan. Tur hende na e school stima bestia. Lampe mes tin cacho na cas, cu ta cuida y sterilisa manera mester ta y no riba caya.

Tin cacho cu ta drenta den cura di school cu tin banchi, cual ta nifica cu un hende ta nan doño, pero ta cana los y aparentemente hende no ta haya nan falta. Ban ta responsabel pa esaki tambe.

Ban cuida nos bestianan y cu e nomber di Filomena College, keda liber di e mal informacionnan aki.

 

- Advertisement -

DUNA COMENTARIO

Please enter your comment!
Please enter your name here