Home Comentario “Mi no por sigui biba cu Afls. 525,- pa luna”

“Mi no por sigui biba cu Afls. 525,- pa luna”

58
0
SHARE
- Advertisement -

Segun Bernard Felicia

ORANJESTAD (AAN)- Na redaccion di DIARIO a presenta e homber Bernard Felicia biba na Bushiri 344 kende kier wak si instancianan concerni por haci algo pe ya cu e no por sigui cu e suma di Afl.525,- pa luna.

Segun Sr. Felicia e tabata traha den construccion pero door di problema cu salud caminda ya el a opera dos biaha SVB a keur e af y awor e no ta trahando mas. Via Sociale Zaken e ta haya onderstand y antes tabata haya 825 florin pero ultimo temponan nan a bahe y ta haya 525 florin.

For di esey e tin di paga FCCA e cas cu e ta biba aden, mester paga awa, coriente y cuminda cual placa no ta yega. Actualmente e no tin awa ya cu no por paga y nan a kite.

Sr. Felicia a bisa cu ya e no por sigui biba mas cu e situacion aki y ainda e ta pendiente pa bay haci un operacion y cu esaki su situacion ta keda bira preta y e no sa cua instancia tin su situacion tranca cu e no por haya e suma cu un persona incapacita ta haya cu ta di 950 florin.

El a bay na varios instancia caba pa wak kico ta e problema, pero envano pasobra nada a wordo resolve.

- Advertisement -

DUNA COMENTARIO

Please enter your comment!
Please enter your name here