Home Gobierno Minister Besaril ta hiba Melvin Tromp corte

Minister Besaril ta hiba Melvin Tromp corte

58
0
SHARE
- Advertisement -

ORANJESTAD   (AAN):  Diaranzon mainta pa 8or y 30 lo tin un kortgeding den corte. Aki ta trata di un caso unda Minister Plenipotenciario Guilfred Besaril ta demanda Melvin Tromp cu ta ex Parlamentario di AVP y actual vocero di AVP.

No ta conoci si GevMin a subi avion na Hulanda bin Aruba pa asina tey den corte cu su abogado pa e caso aki. E motibo cu GevMin Besaril ta bay corte ta pasobra Melvin Tromp a haci un publicacion recien unda ta yama Guilfred Besaril pa Prins Pedofiel.

Esaki ta relaciona cu e benta di e Cas di Aruba “Aruba Huis”  cu e Minister Plenipotenciario a anuncia e aña aki. Den dos diferente media sigur esaki a wordo publica. Guilfed Besaril como mandatario a escohe pa usa abogado mr Chris Lejuez pa bringa e caso pe. Mientras cu Melvin Tromp na comienso tabata tin Abogado Peter Mohamed y awor a escohe pa cambie pa abogado Benvinda de Sousa.

For di prome instante Guilfred Besaril via su abogado a manda carta pa rectifica loke a wordo expresa.  Despues abogado Mohamed a manda un contesta notificando cu nan lo no contesta. Hasta e abogado lo a laga sa cu nan por bay corte si nan kier. Y cu si nan keda insisti e cos lo bira peor ainda pasobra tin cos mas mahos cu lo sali bin dilanti contra Guilfed Besaril cu ta rabia pasobra ta acuse di ta Prins Pedofiel.

E expression contra Guilfred Besaril relaciona cu Pedofiel no a cuminsa awe. Algun aña caba desde cu e ta parlamentario Melvin Tromp a tilde of manda cos den su direccion encuanto asunto di Pedofiel.

Como parlamentario nunca Guilfred Besaril a hiba Melvin Tromp corte. Den e caso aki ta como Minister di Pais Aruba e lo demanda Melvin Tromp. E tempo ey a opta pa keda keto legalmente. Diaranzon mainta nan lo te den corte pa 8or y 30.

 

- Advertisement -

DUNA COMENTARIO

Please enter your comment!
Please enter your name here