Home Gobierno Minister di Enseñanza a trece aclaracion na miembronan di SIMAR

Minister di Enseñanza a trece aclaracion na miembronan di SIMAR

49
0
SHARE
- Advertisement -

Tocante e cambio di pasa di gobierno pa un stichting:

ORANJESTAD (AAN) — Minister di Enseñanza, Drs. Rudy Lampe, a splica nos redaccion, kico ta su punto di bista pa locual ta trata duna mas autoridad na esnan concerni den parti di educacion publico, den e caso aki e miembronan di SIMAR, cu kendenan el a reuni recientemente

E dignatario a duna di conoce, cu den palabracion cu miembronan di sindicato di maestronan di Aruba (SIMAR) pa locual ta trata Openbaar Onderwijs, Esaki a sigui cu un ronda di pregunta di parti di miembronan di sindicato, tocante e tema aki. Tur e preguntanan a wordo contesta, na unda e minister a bisa cu el a keda hopi contento cu e tipo di preguntanan cu nan a ricibi for di SIMAR.

Danki na e presentacion aki tambe hopi duda a wordo aclarea di parti di e sindicato y banda di e minister a purba di expresa tambe y manda un mensahe bon cla unda nan no lo mester preocupa awor aki pa loke trata e tema di enseñanza, pasobra den e parti di e posicion huridico nada no ta bay cambia , ningun hende ta perde trabou, ni ta bay atras.

Den Reino Hulandes y na nivel mundial, Aruba ta e ultimo pais pa dal e stap aki. E plan ta pa pone e maneho diario di enseñansa den man di profesionalnan. E forma pa haci esaki ta pa crea un fundacion, caminda profesionalnan den enseñanza ta bay tin e responsabilidad pa haci esey, y di e mesun manera bo ta kita e poder ey for di e man di e minister.

Minister lo tuma decisionnan riba un base politico, cu cada eleccion e ta perde of ta gana voto pero no lo ta trahando realmente cu e criterionan profesional di enseñansa. Aworaki lo tin un minister na encargo di schoolbestuur di enseñansa, anto esaki lo bay haci cu e calidad di enseñanza no ta na prome luga.

Mester kita e poder for di e man di e politico y hinke den profesionalnan, caminda cu e decision ta wordo tuma a base di un criterio di profesionalismo di enseñansa. Gobierno anterior no a cumpli cu cierto acuerdonan den e parti huridico cu lo mester a bin, e trayecto pa bevordering ta asina largo, ora ta parti di e sistema actual, e conseho mester bin di minister y e minister tin tur autorizacion y poder pa haci esey y e trayecto ta hopi mas largo.

Por ultimo, minister Lampe a bisa cu ora di bay over na un Stichting Openbaar Onderwijs, e trayecto lo ta hopi mas cortico y den e sentido ey, e ta cumbini e maestronan.

 

- Advertisement -

DUNA COMENTARIO

Please enter your comment!
Please enter your name here