Home Gobierno Minister di Transporte poniendo ordo riba operadornan di bus turistico

Minister di Transporte poniendo ordo riba operadornan di bus turistico

116
0
SHARE
- Advertisement -

ORANJESTAD (AAN) — Tin un bringamento formal entre tour operators dilanti di e yegada di barconan crusero. Esaki ta trece un mal imagen pa nos isla. Kico ta plan di Minister di Transporte pa cu esaki?

E actitud di competencia entre e operadornan di transporte, sea ta companianan grandi di turismo of bus di turista, caminda cu tur tin e mesun derecho, ta nada bunita ora di haci esaki dilanti nos bishitantenan.

Dos di e problemanan cu e Minister di Transporte ta duna prioridad di biaha, ta taxi pirata y problemanan na waf. E kier un solucion pa e dos problemanan aki, mas lihe posibel, y esey el a duna ordo na DTP tambe, pa trece ordo. Den e proximo simannan lo bay tin cambionan na waf, segun e minister.

“Cada persona cu tin permiso pa haci e trabou aki mester respeta otro, pasobra den caso cu no bin cu respet, lo bay tin consecuencia. Asina ta cu e maneho cu ta bay tin pa e problema aki mester wordo respeta; tin suficiente trabou pa tur y tampoco esun di mas grandi o companianan no lo mag di bin riba e otro cu ta mas chikito of particular, pasobra nan tur tin e mesun derecho di biba”, Asina a Minister di Transporte, Sr. Chris Romero, finaliza bisando.

 

- Advertisement -

DUNA COMENTARIO

Please enter your comment!
Please enter your name here