Home Gobierno Minister Xiomara Ruiz-Maduro a trece dilanti cu Bermudez a laga nada regla...

Minister Xiomara Ruiz-Maduro a trece dilanti cu Bermudez a laga nada regla atras pa Douaneronan

25
0
SHARE
- Advertisement -

ORANJESTAD (AAN): E revelacion di mas sorprendente e siman aki, ta cu Gobierno di AVP a sabotea 8 aña di informacion digital, nan a delete tur informacion. E declaracion di e dos miembronan di AVP a trece dilanti den prensa cu gobierno di AVP a laga tur cos cla atras den un map.

Durante conferencia di prensa Minister Xiomara Ruiz-Maduro a trece dilanti cu den e map di douane no tin e conseho di e Departamento di Recurso Humano, pasobra ta apenas dia 22 di januari ultimo e mandatario a ricibi esaki. Pesey e mandatario ta puntra con por ta posibel of lo ta cu e dos parlamentarionan di AVP lo mester a drenta anochi den oficina di e minister.

Of lo ta cu esnan di CEA a laga nan drenta? Cu cual jabi nan a drenta?

E mandatario no ta kere cu esaki lo ta e caso. Aki por mira cu un biaha mas cu opositornan ta  scoge pa sembra mentira y declara cosnan cu no ta cuadra cu e berdad. E mandatario ta sigui trece dilanti cu gobierno aki manera cu a haya e informacion dia 22 di januari a manda e informacion aki pa worde trata den Conseho di ministronan. E dia ey no a keda cla cu e parti aki den e reunion y a sigui cu esaki den e siguiente Conseho di ministronan di dia 27 di januari, caminda Conseho di ministronan a dicidi di pidi conseho di Departamento di Legislacion pa pidi información con  a para y kico a pasa den e caso aki.

Ta bon pa splica cu den e caso aki tin dos componente, uno caminda nan a firma pa esnan cu tin rang den doaune pa nan por haya e periodiek y esaki ta e parti di legislacion cu no tabata cla y no por tabata cla tampoco mirando cu Minister Bermudez a warda 5 luna y laga esaki riba su desk y ultimo siman den gobierno ta core manda esaki pa Departamento di Legislacion y dilanti dianan di fiesta y ta expect cu e LB, h.a.m,  lo keda cla. Esaki no por.

Otro parti ta caminda SADA ta pidi pa esnan cu no tin e rang den douane, esta e personal administrativo pa nan tambe haya cobra e dos periodieknan aki. Pero aki gobierno mester pone den balansa pasobra ta trata aki di 29 hende pero na momento cu duna e 29 hendenan aki, ta 2000 otro ambtenaar tambe lo por bay pidi esaki, cual lo ta un gasto cu lo core den 5.6 miyon Florin extra pa aña extra, mas aun mirando e situación financiero di nos país.

- Advertisement -

DUNA COMENTARIO

Please enter your comment!
Please enter your name here