Home Gobierno Ministro Presidente: DAS lo por tin un bista mas amplio y yuda...

Ministro Presidente: DAS lo por tin un bista mas amplio y yuda famianan na un forma integral

77
0
SHARE
- Advertisement -

Ademas di solucion pa pago di awa y coriente:

ORANJESTAD (AAN) — Durante e conferencia di prensa di gobierno, Diahuebs mainta, a bin acerca e observacion cu tin indicacion cu tin dos factor relevante, cu ta afecta varios famia cu no por paga nan cobranzanan di awa y luz.

Di un banda cierto pensionadonan cu ta biba solamente di pension di AOV y tin di nan cu no ta haya e suma di pareha, y e otro caso ta e hogarnan unda sea e tata of e mama, of ambos a perde trabao y ta sigui desemplea.

Riba e observacion aki e dignatario a agrega tambe e personanan cu ta biba di bijstand, cual suma hopi biaha no ta yega pa cubri e pago di awa y coriente.

Den e observacion haci, den ronda di pregunta, a wordo indica cu ta hopi bon cu nan por yega na un areglo via un fondo manera e dignatario a menciona, pero esey no ta e solucion total, pasobra e raiz di e problema ta entrada cu at all no ta yega, of entrada cu no tin debi na desempleo.

“E intencion di e areglo aki y di structure atravez di e Departamento di Asunto Social, ta hustamente pa por atende cu e problema integral di e famianan cu ta pasando den e situacion aki. Si nos ta laga e solucion di esaki solamente den man di WEB of ELMAR, si e ta un problema social e no ta wordo atendi na un bon manera. Pero nos bisa cu ta mihor concentra tur cos den DAS pa eynan tin un bista integral. Pasobra, naturalmente, e cliente cu yega eynan DAS conoce caba talvez algo diferente. Anto e ora ey por pone mas energia hunto pa soluciona e problema di e famia specifico ey”, e dignatario a amplia.

El a agrega cu si tin tur e informacion y problemanan reparti na diferente departamento, no ta yega na un solucion integral pa e famia.

Ora DAS ta administra esaki, nan ta conoce cual ta e famianan di riesgo, cualnan tin e problema, y por wak con pa yuda cada un di nan cu un solucion mas integral cu solamente regla e asunto di awa y coriente.

- Advertisement -

DUNA COMENTARIO

Please enter your comment!
Please enter your name here