Home Actividad Especial Organizacion OPPA ta invita su miembronan pa dos actividad

Organizacion OPPA ta invita su miembronan pa dos actividad

16
0
SHARE
- Advertisement -

ORANJESTAD (AAN): Cu cooperacion di Stimaruba, Señora Olinda Rasmijn, OPPA ta organiza un caminata den naturalesa pa su miembronan y introducido.

Esaki lo tuma luga riba diasabra dia 10 di maart venidero. E caminata lo cuminsa pa 5’or di atardi y lo termina pa mas o menos 7’or di anochi. Ta pidi pa tur participante ta presente na Santana Central di Sabana Basora, no mas tarda cu 4:30  di atardi.

Door cu e caminata ta den naturalesa ta pidi tur participante pa bin cu bisti jeans pa proteccion, un bon keds na pia y tambe ta bon pa trece un foks. Na final di e caminata Stimaruba lo percura pa aw’i lamunchi y tamarein, pa kita sed. Tambe Lo tin un bus disponibel pa hiba e participantenan back na e luga di salida.

OPPA e aña aki tambe lo participa na e celebracion di Dia di Himno y Bandera, riba diadomingo dia 18 di maart.  E miembronan prome lo tuma parti na e desfile di tur aña y despues lo sali den bus pa bishita algun luga cu tin actividad relaciona cu e dia aki. Entre otro Archivo Nacional, Museo Historico y Centro di Bario Noord.

Pa e caminata ta pidi un contribucion di Awg.5,– y pa e trip den bus dia 18 maart, un contribucion di Awg.10,–, tanto pa miembro como su introducido. Tin solamente luga pa 50 persona den e bus. Tambe e miembronan cu participa na e desfile lo haya un pechi di OPPA gratis y mester bin bisti cu polo-shirt di OPPA. E otro miembronan por cumpra un pechi na balor di Awg.15,–.

Inscripcion y registracion tanto pa e caminata di dia 10 di maart, como e trip den bus di dia 18 maart, lo tuma luga desde dialuna dia 26 di februari 2018 na oficina di OPPA, durante orario di oficina

Ban gosa di nos naturalesa, haci algo pa salud y celebra nos Dia Nacional.

- Advertisement -

DUNA COMENTARIO

Please enter your comment!
Please enter your name here