Home Cultura Otro siman lo tin Anochi di Quiz na Aruba

Otro siman lo tin Anochi di Quiz na Aruba

15
0
SHARE
- Advertisement -

ORANJESTAD (AAN): Pa cinco Diamars consecutivo, entrante di 27 di Februari 2018, George Winterdaal y Addonsito Croes, lo ta presentando e di 4 edicion di nan famoso Quiznight!

DIARIO a haya sa, cu e fechanan ta 27 di februari, 6 di Maart,  13 di Maart, 20 di Maart y 27 di Maart 2018. Tur siman e gruponan consistiendo di 5 persona den cada grupo,  ta competi cu otro y ta acomula puntonan necesario pa e gran final di 27 di maart 2018.

Tambe tur siman un grupo ta bira ganador di e siman ey.

E orario ta di 8:00 pa 9:30 pm y e lugar ta Aruba Racquet Club na Noord.

Hunto cu nan asistente Mieckey Gravenhorst, e duo lo conduci e quiz cu ta consisti di 5 seccion. Berdad of Falso, Arubanita, News of the Week, Pictures, y Splica e Palabra…

Por corda con den 2017 Addonsito y George a cuminsa cu e quiz aki como hobby pa entretene tur cu ta desea di engrandece nan conocimento general riba varios tema rond mundo.

E organizadornan ta gradici tur esnan cu den pasado a asisti,  combirtiendo e diamars nan den anochi nan interesante, educativo y dibertido.

Pa participa mester forma un grupo di 5 persona y yega Aruba Racquet Club riba e diamars nan anochi menciona.

Un danki grandi ta bay pa señora Cristine Hintz di Manrique Capriles nv  y  Lolea Brut pa e regalo nan pa e ganadornan di siman.

Mas informacion por ricibi di George Winterdaal na 561-6151 of Addonsito Croes na 560-2626

- Advertisement -

DUNA COMENTARIO

Please enter your comment!
Please enter your name here