Home Enseñanza Pa loke ta e cambio di DPS como fundacion e principionan di...

Pa loke ta e cambio di DPS como fundacion e principionan di bon gobernacion mester wordo aplica

17
0
SHARE
- Advertisement -

ORANJESTAD   (AAN): SEPPA a tene su reunion cu e minister encarga cu Enseñansa, kende a splica cu su intension ta basa riba loke ta para den plan di gobernacion, unda cu ta para cu Gobierno lo bay enfoca pa hisa e calidad di enseñansa.

Pa esaki e ta pensa cu ta hopi importante pa aplica cu Good Governance Principles, cual segun Magali Brito di Seppa, e pensamento ey pa aplicacion y e principionan aki, un hende no por ta contra di esaki, sino al contrario.

E punto di salida ta bon, solamente cu esaki lo mester sosode riba tur nivel. Ken no lo kier e principionan aki di un bon gobernacion. Sigur den fundacionnan unda cu nan ta ricibi placa di comunidad y di un otro banda nan tin cu duna cuenta.

Un di e partinan cu e minister a indica ta cu e no tin grip riba e stichtingnan, referiendo na manera SKOA, SMOA, etc. y e otronan y ilustra problemanan cu a yega di pasa cu stichtingnan di cual intermediacion di gobierno tabata necesario y importante, y tur esakinan a cana poco dificil.

E otro parti tabata importante cu e ta menciona cu sea den, pa loke ta pasa controlnan financiero, no tin suficiente personal pa haci e controlnan di tal manera cu Gobierno por actua rapidamente pa eventual limitacion of fayonan cu por tin den caso di dunamento di cuenta.

Brito a sigui splica cu e puntonan aki, naturalmente a scucha nan y igualmente ta bay over pakico ta bin netamente pa cambia e status di e hendenan aki y hinca, pa esnan cu ta considera un ambtenaar te ainda, e LB of MB, no ta ni importante pa SEPPA na e momentonan aki.

Ta bay cu bo tin trahadonan cu durante hopi aña, a traha p’abo den un dienst di un gobierno, un dienst institui cu su mesun cabes di departamento, cu su mesun maneho. Por lo tanto bo no por bin bisa trahadonan awor aki diripiente cu tur e tempo ey a trata e trahadonan fout, nan no ta ambtenaar mas, pero awor aki bo ta manera den laira, no sa kico ta conta pabo y ta manera como si fuera gobierno awor tambe tin derecho di haci y deshaci cubo. Bo no tin ningun derecho y bo tin cu bay automaticamente.

Bo tin cu entrega bo retiro y bay den e stichting aki. Esaki no ta un actitud cu ta spera di ningun minister y di ningun gobierno. Sea cu por tabata tin fout mes, asumiendo cu por tabata fout. A tuma decision pa ta na desbentahe di e trahado. Esey ta aparte di e discusion cu SEPPA tin, cu ta entre e trahadonan cu ta traha na DPS. Tin un grupo cu ta traha cu un Landsbesluit.

Ta bon pa corda con DPS prome cu 2009, en todo caso tabata cay bao di Directie Onderwijs y e tempo eynan, tur e trahadonan tabata wordo trata como ambtenaar. Nan a bay cay bao di e dienst di gobierno DPS, por lo tanto semper e LMA, tur regla vigente pa un ambtenaar ta wordo aplica pa e trahadonan aki.

E ora bo ta keda bay draai rond e pakico, kico realmente ta e intencion. Ultimo a hasta scucha cu ya ta bo conoci cu e fundacionnan tin nan problemanan financiero, of nan tin nan lucha pa por maneha e organisacion pa motibonan di fondo y con ta bay haci awor aki cu nan, ki diferencia lo bay tin cu esnan di DPS cu ta bay cay bao di Stichting.

Con por mira nan situacion miho den e panorama aki, unda cu ta bon conoci cu tin hopi limitacion di placa. Unda cu ta bon conoci cu durante añanan ta corta den enseñansa, pa loke ta trata e subsidio pa e fundacionnan aki mes por run na un manera smooth.

E ora bo ta haya como reaccion, e ora e fundacion nobo por genera mas placa. E pregunta ta, genera mas placa con?

 

- Advertisement -

DUNA COMENTARIO

Please enter your comment!
Please enter your name here