Home Cultura Paradanan di Carnaval a sorprende pa grandura y buniteza

Paradanan di Carnaval a sorprende pa grandura y buniteza

470
0
SHARE
- Advertisement -

ORANJESTAD (AAN)—Aruba a cera conoci cu un tremendo temporada di Carnaval, aunke pa hopi hende e tabata un temporada cortico, mientras otro aña e celebracion di lustro lo ta algun siman mas largo.

Tanto na San Nicolas como na playa, Luho, pluma, payet, creatividad, color, fantasia y cu carosanan cu nan grado di dificultad y grado di detaye a domina cayanan , bon anima musicalmente y cu un ambiente completamente di celebracion cu alegria inmenso.

Diasabra na San Nicolas por a ripara cu biento a duna participantenan cu shoulderpiece y bodypiece, tambe esnan cuta pusha roadpiecenan hopi trabao. Hopi participante a haya mes ta lucha contra e biento , acompaña pa un solo cu no a pordona. Tur esaki hunto, ta marca e storia con e Carnaval di San Nicolas, a wordo celebra.

Na Playa tambe e fiesta di carnaval for di comienzo te final tabata un celebracion di inmenso di e fiesta mas grandi di aña. Segun varios participante cu kende a papia, na Playa si e biento a comporta su mes hopi bon, pero e solo si a kima mescos.

Un palabra di pabien ta na su lugar, pa tur e lidernan cu a sa di pusha e parada y percura p esaki a cana bon organiza, ademas pa cuerpo policial cu a percura pa orden wordo manteni.

SMAC mester di un elogio tambe pa e manera cu e aña aki a dirigi carnaval 64 mientras cu un pabien mester bay tambe pa Musica y musiconan cu a percura pa e pueblo por a celebra su carnaval sin polemica algun.

Otro aña ta celebracion di e di 13 lustro y ya tin gruponan cu nan tema cla y otronan cu nan schetsnan riba papel pa e disfrazanan cu nan lo presenta cune, mientras cu tin grupo cu ta pensando tambe riba nan scogencia di tema.

- Advertisement -

DUNA COMENTARIO

Please enter your comment!
Please enter your name here