Home Parlamento Parlamentario Endy Croes kier pa AIB Bank y SOGA wordo investiga, rond...

Parlamentario Endy Croes kier pa AIB Bank y SOGA wordo investiga, rond di e proyecto di hospital

98
0
SHARE
- Advertisement -

ORANJESTAD (AAN): Dialuna durante e conferencia semanal di prensa di fraccion di MEP, parlamentario Endy Croes a papia tocante e hospital nobo cu gobierno anterior a laga construi.

Segun Croes, e investigacion riba e proyecto aki ta bay cuminza dentro di poco.

El a indica cu el a descubri un carta cu Deutsche Bank na 2012 a manda pa Prome  Minister di e tempo ey Mike Eman y pa presidente di parlamento Paul Croes.

Den e carta Deutsche Bank a trece dilanti un grupo di contratista yama IBT Group cu nan tin bon relacion cune, pa e proyecto di hospital di Aruba.

Deutsche Bank tin bon relacion cu e grupo, unda cu e ta fia nan placa pa nan proyectonan.

E banco a duna algun ehempel di construccionnan di parti di IBT Group, unda cu pa 90 miyon dollar nan a construi 6 hospital na Santo Domingo.

Den un otro proyecto nan a traha 3 hospital na Republica Dominicano, pa un total dl 125 miyon dollar, cu ta alrededor di cuanto e proyecto di hospital na Aruba lo mester costa.

Na Panama nan a construi centronan medico pa 28 miyon dollar.

Croes a indica cu si bo wak e prijsnan aki, ta straño cu awor Aruba tin cu bay paga 29 aña largo un suma di 30 miyon florin, pa un total di 870 miyon florin.

Esaki siendo cu gobierno anterior lo por a tuma e oferta di Deutsche Bank mas serio.

E parlamentario a papia tambe di un compania Frances cu a hasi un oferta na Gobierno anterior di Aruba pa construccion di e hospital nobo, cu lo a Sali hopi menos cu locual awor pais Aruba tin cu paga.

Croes a indica cu e compania Frances no a haya e contrato, sino un compania cu ta amigo di AVP.

Ora cu esaki a sali na cla, e compania Frances a manda un carta hopi rabia pa AIB Bank y SOGA, pa cuestiona e hecho cu nan oferta di 208 miyon florin a wordo rechaza, pa duna e trabao na un compania cu a hasi un oferta mas caro.

“Mi ta kere cu e equipo di investigacion lo tin cu bay hopi fuerte contra SOGA y AIB, riba locual a tuma lugar den construccion di hospital”, segun Croes.

 

 

- Advertisement -

DUNA COMENTARIO

Please enter your comment!
Please enter your name here